Nibura abakirisitu 50 000 bategejwe i Kibeho kuri Asomusiyo

Nibura abakirisitu 50 000 bategejwe i Kibeho  kuri Asomusiyo

Abakirisitu baturutse mu bice bitandukanye batangiye kugera i Kibeho ku butaka butagatifu, mu gihe hitegurwa kwizihiza umunsi w’ijyanwa mu Ijuru rya Bikira Mariya ku munsi w’ejo tariki ya 15 Kanama.

Paruwasi ya Kibeho ivuga ko nibura hategerejwe abasaga ibihumbi 50 mu kwizihiza uyu munsi.

Mu bihe bitandukanye hajya haba amasengesho i Kibeho, abantu bagaturuka imihanda yose bagannyeyo gusenga kandi bahamya ko amasengesho yabo yumvwa, mu gihe baba bagiye gushengerera Umubyeyi Bikira Mariya.

Kibeho iherereye mu Karere ka Nyaruguru mu Ntara y’Amajyepfo y’u Rwanda. Ni ahantu hamenyekanye cyane igihe habaga amabonekerwa mu 1981 akaba ari naho hari ishusho ya Yezu ku rwego rw’Afurika ifite icyicaro aho i Kibeho, ishusho nini ku Isi ifite uburebure bwa metero esheshatu, ipima ibilo magana cyenda na mirongo itanu.

Iyo shusho igaragara ahantu hatandatu ku Isi kuko buri mugabane w’Isi ufite ishusho imwe nk’iyo. Umugabane w’Afurika rero ishusho wagennye iri ku musozi wa Nyarushishi uherereye mu Murenge wa Kibeho, Akarere ka Nyaruguru mu Ntara y’Amajyepfo.

Yanditswe na NYIRANEZA JUDITH

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27