RDF yanyomoje FARDC ivuga ko Ingabo z’u Rwanda zinjiye muri Congo

RDF yanyomoje FARDC ivuga ko Ingabo z’u Rwanda zinjiye muri Congo

Ubuyobozi bw’Ingabo z’u Rwanda (RDF) bwanyomoje ibihuha byakwirakwijwe n’Ingabo za Repubulika Iharanira Demokarasi ya Congo (FARDC) ko abasirikare b’u Rwanda bambutse umupaka wa Congo ku wa Kane taliki ya 27 Nyakanga 2023.

RDF yashimangiye ko ibyo binyoma bishinja Ingabo z’u Rwanda kwinjira mu Ntara ya Kivu y’Amajyaruguru nta shingiro bifite.

Itangazo rya FARDC ryavugaga ko Ingabo z’u Rwanda zagabye igitero ku Nzego z’umutekano za Congo.

Rikomeza rigira riti: “Imirwano yatumye Ingabo za FARDC zisubiza inyuma ibyihebe byo mu Rwanda byadushotoye mu buryo butihanganirwa.”

Mu itangazo ryashyizwe ahagaragara kuri uyu wa Gatanu, ubuyobozi bwa RDF bwongeye gushimangira ko ari ukuyobya uburari busanzwe bugamije kwifashishwa nk’isobanurampamvu yo gukorana n’umutwe w’iterabwoba wa FDLR mu mugambi mubisha wo guhungabanya umutekano w’u Rwanda.

Ni n’urwitwazo rwo kugaragaza nk’impamvu Ingabo za FARDC zananiwe kugarura amahoro mu Burasirazuba bwa RDC, ahabarizwa imitwe yitwaje intwaro irenga 130.

Ubuyobozi bw’Ingabo z’u Rwanda bunashimangira ko ubwiyongere bw’ibinyoma bikwirakwizwa na FARDC bushobora kugirwa urwitwazo bwo kugaba igitero ku butaka bw’u Rwanda.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27