Minisiteri y’Ibidukikije irakangurira abantu kwirinda urusaku rubangamira umudendezo

Minisiteri y’Ibidukikije irakangurira abantu kwirinda urusaku rubangamira umudendezo

Minisitiri w’Ibidukikije, Dr. Mujawamariya Jeanne d’Arc yashyize ahabona amabwiriza akumira urusaku rubangamira umudendezo w’abaturarwanda, akangurira abantu kwirinda kugwa muri ayo makosa kuko hariho amategeko abihana.

Ayo mabwiriza agaragaza ko hari ibipimo ntarengwa by’urusaku bitewe n’ibikorwa bitandukanye kuko nk’abafite ibikorwa by’ubucuruzi, ubukerarugendo, hoteli n’amacumbi bitandukanye n’abafite ibikorwa by’ubwubatsi, iby’amakoraniro, iby’abafite insengero, imisigiti n’ibindi.

Ayo mabwiriza ashyirwaho agamije gukumira no kurwanya urusaku,  guhuza ibikorwa n’uburyo bw’igenzura hagamijwe gukumira urusaku,  gushyiraho no kumenyekanisha ibipimo ntarengwa by’amajwi bitewe n’aho ari ho.

Hari kandi ibikorwa biteza urusaku bishobora gusabirwa uruhushya  nk’ibikorwa by’ubwubatsi iyo bibaye ngombwa ko bikomeza gukorwa na nijoro.

Iyo aya mabwiriza atubahirijwe hagatezwa urusaku rurengeje ibipimo, mu rwego rw’ubutegetsi, uwaruteje acibwa ihazabu y’amafaranga y’u Rwanda 500 000, yishyurwa mu gihe cy’iminsi irindwi y’akazi uhereye igihe yabimenyesherejwe, atakwishyura agafungirwa by’agateganyo ibikorwa  kugeza yishyuye ndetse akagaragaza mu nyandiko ingamba  zo kudasubira guteza urusaku.

Yanditswe na NYIRANEZA Judith

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27