Igihugu kimwe nticyakemura ibibazo by’umutekano- Maj Gen Murasira

Igihugu kimwe nticyakemura ibibazo by’umutekano- Maj Gen Murasira

Minisitiri w’Ingabo Maj Gen Albert Murasira avuga ko Igihugu kimwe kitashobora gukemura ibibazo by’umutekano hatabayeho ubufatanye bw’ibindi bihugu.  Ibi yabivuze ubwo i Kigali hatangiraga inama y’umutekano y’iminsi 3 ihuje inzego zitandukanye zaturutse ku mugabane w’Afurika.

Iyi nama ihuje inzego zitandukanye z’umutekano muri Afurika, abashakashatsi, inararibonye mu by’umutekano n’abahagarariye amashuri makuru ya Gisirikare mu bihugu bitandukanye by’Afurika.

Ni inama ya 10 yateguwe n’Ishuri Rikuru rya Gisirikare riri i Nyakinama, kugira ngo izi nzego zitandukanye ku mugabane w’Afrika zirebere hamwe ibibangamiye umutekano muri Afurika n’uburyo izi nzitizi zakurwaho.

Abanyeshuri biga mu Ishuri Rikuru rya Gisirikare i Nyakinama na bo baba bitabiriye bavuga ko aha bahavana ubumenyi buzabafasha mu masomo yabo n’igihe bari mu kazi.

Umuyobozi Mukuru wungirije w’Ishuri Rikuru rya Gisirikare Col Jean Chrysostome Ngendahimana, avuga ko kuba iri shuri ritanga amasomo yo ku rwego mpuzamahanga mu by’umutekano ryarahawe gutegura iyi nama bifite umumaro ukomeye.

Minisitiri w’Ingabo Maj Gen Albert Murasira yashimangiye ko igihugu kimwe kitashobora gukemura ibibazo by’umutekano hatabayeho ubufatanye bw’ibindi bihugu. 

Mu gihe cy’iminsi 3 mu Rwanda, iyi nama izatangirwamo ibiganiro 6 birimo ikizagaruka ku miyoborere myiza no kubaka ubushobozi, uko abantu bava mu gihugu kimwe bajya mu kindi (Migration) bitewe n’ibibazo bitandukanye n’icyakemura ibyo bibazo, ikiganiro ku mahanga akomeje kwivanga mu bibazo byo muri Afurika (External Interfearence), uburyo bwo kugora umutekano mpuzamahanga, ubumenyi n’ikoranabuhanga muri Afurika.

RBA

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27