Perezida Kagame yitabiriye iyimikwa ry’Umwami Charles III

Perezida Kagame yitabiriye iyimikwa ry’Umwami Charles III

Perezida wa Repubulika y’u Rwanda Paul Kagame na Madamu Jeannette Kagame, bageze i London mu Bwongereza aho yitabiriye iyimikwa ry’Umwami Charles wa Gatatu. 

Uyu muhango uteganyijwe ku wa Gatandatu taliki 6 Gicurasi, nyuma y’amezi umunani agiye ku ngoma nyuma y’aho Umwamikazi Elizabeth wa II atanze muri Nzeri umwaka ushize. 

Ni umuhango witezweho kuyoborwa n’Arikiyepisikopi w’Itorero rya Centerbury, uzabera i Westminster Abbey ahasanzwe habera iyimikwa ry’abami kuva mu 1066.

Umwami Charles wa III w’imyaka 74 y’amavuko, azambikwa ikamba rya zahabu ryacuzwe mu 1661 imbere y’abashyitsi barenga 2,200 batumiwe barimo na Perezida Kagame. 

Biteganyijwe ko Perezida Kagame atangirira uruzinduko ku guhura na Minisitiri w’Intebe Rishi Sunak, aho baganira ku butwererane bw’Ubwami bw’u Bwongereza n’u Rwanda.

Iyimikwa ry’Umwami Charles wa III rije nyuma y’imyaka 70 habaye umuhango wo kwambika ikamba nyina Elizabeth wa II wari ufite imyaka 25, mu muhango wabaye taliki ya 2 Kamena 1953.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27