Loni yifatanyije n’u Rwanda kunamira  abazize Jenoside yakorewe Abatutsi

Loni yifatanyije n’u Rwanda kunamira  abazize Jenoside yakorewe Abatutsi

Umunyabamanga Mukuru w’Umuryango w’Abibumbye Antonio Guterres, yagaragaje ko Umuryango w’Abibumbye (Loni) wifatanyije n’u Rwanda ndetse n’Isi yose kwibuka ku nshuro ya 29 Jenoside yakorewe Abatutsi mu 1994. 

Guterres yashimye uruhare rw’Abanyarwanda muri gahunda z’ubumwe n’ubwiyunge nyuma y’imyaka 29 habaye Jenoside yakorewe Abatutsi. Ni mu gihe kuri uyu wa Gatanu mu Rwanda hatangira icyumweru cy’Icyunamo n’iminsi 100 yo kwibuka.

Hashize imyaka 29 Jenoside yakorewe Abatutsi ibaye. Muri iyo myaka hari byinshi byakozwe bigamije kubaka Igihugu kizira amacakubiri hagamijwe iterambere rirambye mu nzego zitandukanye z’Igihugu.

Ibi byose ahanini ni ibishingiye ku nzira Abanyarwanda bihitiyemo ubwabo y’ubumwe n’ubwiyunge ndetse kwishakamo ibisubizo.

Ubwo Antonio Guterres yatangaga ubutumwa bwo kunamira abazize Jenoside yakorewe Abatutsi mu 1994, yashimiye uruhare rukomeye Abanyarwanda bagize muri gahunda z’ubumwe n’ubwiyunge bwabagejeje kuri iyi nzira yo kwiyubaka.

Yagize ati: “Turunamira inzirakarengane zirenga miliyoni z’abana, abagore n’abagabo zishwe mu minsi ijana gusa, mu myaka 29 ishize, turunamira izo nzirakarengane, ikindi kandi turashimira ubudaheranwa bw’abarokotse Jenoside yakorewe Abatutsi, tukanashima by’umwihariko uruhare rw’Abanyarwanda mu rugendo rw’ubumwe n’ubwiyunge.”

Kimwe mu bigaragazwa nk’ibyatije umurindi ishyirwa mu bikorwa rya Jenoside yakorewe Abatutsi mu Rwanda, ni uruhare ruziguye ry’Umuryango Mpuzamahanga, aho na nyuma yayo hari bimwe mu bihugu byagiye bigaragara mu bikorwa bitandukanye birimo nko gutiza umurindi ingengabitekerezo ya Jenoside ibindi bigacumbikira abayigizemo uruhare.

Kuri ubu, u Rwanda rwamaze kohereza mu mahanga impapuro zirenga 1000 zo guta muri yombi abakekwaho Jenoside yakorewe Abatutsi bacyidegembya mu mahanga.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27