Musanze: Abasaga 500 barangije amasomo muri VTC Mutobo bahawe ibikoresho

Musanze: Abasaga 500 barangije amasomo muri VTC Mutobo  bahawe ibikoresho
Umuyobozi Mukuru wa RTB Paul Umukunzi ashyikiriza umwe mu barangije amasomo ibikoresho

Abanyeshuri basaga 500 barangije amasomo mu ishuri ry’imyuga rya Mutobo bashyikirijwe ibikoresho bizabafasha gushyira mu ngiro ubumenyi bungukira mu myuga itandukanye.

Kuri uyu wa Kane taliki ya 23 Gashyantare 2023, Umunyamabanga wa Leta muri Minisiteri y’Uburezi MINEDUC, Irere Claudette yashyikirije ibikoresho abanyeshuri 546 barirangijemo mu cyiciro cya 67.

Ni umuhango kandi wahujwe no gutangiza ku mugaragaro Ishuri ry’imyuga rya Mutobo VTC riherereye mu Karere ka Musanze.

Yashishikarije abasoje amasomo gukora bakiteza imbere, ko ubumenyi bahawe babubyaza umusaruro, ukababera umusemburo w’iterambere, ubuzima bwiza ndetse bakubaka igihugu bakagiteza imbere.

Umuyobozi Mukuru w’Ikigo cy’Igihugu gishinzwe guteza imbere Imyuga n’Ubumenyingiro RTB, Paul Umukunzi yitabiriye umuhango wo gutanga ibikoresho by’imyuga ku basaga 500 bahoze mu mitwe yitwaje intwaro, basoje amasomo y’imyuga n’ubumenyingiro bahawe binyuze muri Komisiyo y’igihugu yo Gusezerera no Gusubiza mu Buzima Busanzwe abari Abasirikare. (RDRC).

Ishuri rya VTC Mutobo riherereye mu Karere ka Musanze ritanga amasomo y’igihe gito mu bukanishi, ubudozi, ubwubatsi, gusudira, amashanyarazi, gukora amazi no gutunganya umusaruro.

Abahawe ibikoresho bijeje ko bizabafasha kwiteza imbere binyuze mu gushyira mu bikorwa ibyo bize bakihangira imirimo ndetse bagaha akazi bamwe mu batagafite.

Ibikoresho bahawe bikaba bizabafasha gushyira mu bikorwa ubumenyi bahawe mu myuga itandundakanye irimo ubwubatsi, gusudira, ubudozi, gutunganya imisatsi, ubuhinzi, ubukanishi, amashanyarazi n’amazi.

Umunyamabanga wa Leta muri Minisiteri y’Uburezi MINEDUC, Irere Claudette yatangije ku mugaragaro ishuri rya VTC Mutobo
Abasoje amasomo bahawe ibikoresho bizatuma bashyira mu ngiro ubumenyi bahawe
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27