Kayumba Christopher yagizwe umwere ku gufata ku ngufu

Kayumba Christopher yagizwe umwere ku gufata ku ngufu

Kuri uyu wa Gatatu, Urukiko Rwisumbuye rwa Nyarugenge rwagize umwere Dr Kayumba Christopher washinjwaga ibyaha byo gusambanya ku gahato n’icy’ubwinjiracyaha mu gufata ku ngufu yakekwagaho kuba yarakoreye abagore babiri. 

Abo bagore babiri bamuregaga harimo uwari umukozi we wamureze ko yamufashe ku ngufu mu mwaka 2012, n’undi wari umunyeshuri we mu Ishuri ry’itangazamakuru rya Kaminuza y’u Rwanda wemezaga ko yashatse kumufata ku ngufu akamucika.

Nyuma yo gusuzuma ibimenyetso, urukiko rugasanga bikemangwa rwatangaje ko nta cyaha na kimwe gihama Dr Kayumba Christopher wari agiye kumara umwaka muri Gereza ya Mageragere. 

Ubushinjacyaha bwari bwasabye ko Dr Kayumba yahamwa n’ibyaha yari akurikiranyweho “yakoze mu bihe bitandukanye”, rukamuhanisha igifungo cy’imyaka 10 n’amezi atandatu.

Nyamara Dr. Kayumba yaburanaga agaragaza ko ibyo ashinjwa ari ibihimbano, agasaba ubutabera kumurenganura mu gihe mu rukiko rw’Ibanze yari yakatiwe iminsi 30 y’agateganyo. 

Yavugaga ko hakwiye kugaragazwa ibimenyetso bikubiyemo na raporo ya muganga yemeza ko habayeho gufata ku ngufu, ariko ubushinjacyaha buvuga ko ibyo bitari ngombwa cyane bitewe n’igihe cyari gishize atararegwa. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27