Karongi: PSF irashima imikoranire n’Ubuyobozi bw’Intara n’Uturere

Karongi: PSF irashima imikoranire n’Ubuyobozi bw’Intara n’Uturere
Aba ni bamwe mu bitabiriye inama (Foto Intara y'Iburengerazuba)

Urugaga rw’Abikorera (PSF) mu Ntara y’Iburengerazuba rushima imikoranire myiza rufitanye n’Ubuyobozi bw’Intara n’Uturere mu bikorwa bitandukanye hagamijwe guteza imbere ubukungu n’imibereho myiza y’abaturage.

Ibi byagarutsweho ku wa Kane taliki ya 9 Gashyantare 2023 i Karongi, ahateraniye Inama y’Ubuyobozi bw’Urugaga rw’Abikorera mu Ntara y’Iburengerazuba, inama ihuje abahagarariye PSF ku rwego rw’Igihugu, Intara, Uturere n’abafatanyabikorwa barimo Abayobozi b’Uturere, n’Umunyamabanga Nshingwabikorwa w’Intara Uwambajemariya Florence.

Umuyobozi wa PSF ku rwego rw’Intara y’Iburengerazuba, Nkurunziza Ernest yagaragaje ibikorwa bagiramo uruhare mu rwego rwo guteza imbere imibereho myiza y’abaturage birimo  kwishyurira ubwisungane mu kwivuza abatishoboye, gufasha abaturage batishoboye kubona amacumbi n’ibindi.

Yishimiye ubufatanye buri hagati ya PSF n’ubuyobozi bw’Intara n’Uturere. Yagize ati: “Nk’Urugaga rw’abikorera, turashima imikoranire myiza dufitanye n’Ubuyobozi bw’Intara n’Uturere kugira ngo ubukungu n’imibereho myiza y’abaturage bitere imbere”.

Yasabye ko ubwo bufatanye bwakomeza mu rwego rwo guteza imbere ubukungu n’imibereho myiza y’abaturage. Abahagarariye PSF mu Turere bakaba bagaragaje ibyakozwe n’ibiteganyijwe muri uyu mwaka wa 2023.

Asoza iyi nama, Umunyamabanga Nshingwabikorwa w’Intara,Uwambajemariya Florence yashimiye abikorera ku bikorwa bitandukanye by’iterambere bakorera mu Turere tugize Intara, abasaba no gushyira imbaraga mu bikorwa byo kurwanya igwingira mu bana n’ibindi bibazo bibangamiye imibereho myiza y’abaturage.

Yanasabye abikorera gukomeza kubyaza umusaruro amahirwe ari mu Ntara no guteza imbere ubworozi bw’amatungo magufi n’amaremare cyane ko isoko ryabyo rihari rihagije. Abikorera bakaba bijejwe ubufatanye bw’Intara n’Uturere mu bikorwa byabo.

Umunyamabanga Nshingwabikorwa w’Intara y’Iburengerazuba Uwambajemariya Florence (Foto Intara y’Iburengerazuba)
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27