Indi ndege ya RDC yavogereye ikirere cy’u Rwanda iraraswa 

Indi ndege ya RDC yavogereye ikirere cy’u Rwanda iraraswa 

Kuri uyu wa Kabiri, indi ndege y’Ingabo za Repubulika Iharanira Demokarasi ya Congo (FARDC) yo mu bwoko bwa Sukkoi-25 yavogereye ikirere cy’u Rwanda iraraswa isubira i Goma yaka umuriro. 

Amakuru yatangajwe na Guverinoma y’u Rwanda avuga ko iyo ndege yinjiye mu kirere cy’u Rwanda ahagana saa kumi n’imwe z’umugoroba.

Ni inshuro ya gatatu indege y’ingabo za RDC y’ubwo bwoko yari ivogereye ikirere cy’u Rwanda kandi buri gihe cyose ubuyobozi bwandikiraga Guverinoma ya Congo ko butazakomeza kwihanganira ubwo bushotoranyi. 

Ku nshuro ya mbere indege y’intambara ya Repubulika iharanira Demokarasi ya Kongo yavogereye ikirere cy’u Rwanda taliki 7 Ugushyingo 2022, imara umwanya muto ku kibuga cy’indege cya Rubavu ibona gusubira i Goma.

Igikorwa nk’iki cyaherukaga taliki 28 Ukuboza 2022 ubwo na bwo indege yo mu bwoko bwa sukhoi-25 yavogeraga ikirere cy’u Rwanda mu gace k’ikiyaga cya Kivu.

Mu karere ka Rubavu abaturage babonye indege y’intambara ya Repubulika Iharanira Demokarasi ya Kongo ivogera ikirere cy’u Rwanda, bavuga ko bafite icyizere inzego z’umutekano z’u Rwanda n’ubushobozi bw’igihugu bwo kubarinda.

Sangiza abandi iyi nkuru
Ibitekerezo 1
Mukiza

Nikibazo

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27