Cricket: Ikipe y’u Rwanda irakina na New Zealand  mu cyiciro cya kabiri “Super 6”

Cricket: Ikipe y’u Rwanda irakina na New Zealand  mu cyiciro cya kabiri “Super 6”

USA 147-148 Scotland

Zimbabwe 86-87 Indonesia

Taliki 21-01-2023

Rwanda-New Zealand (NW University Oval-10h00)

Ireland-England (JB Marks Oval-10h00)

India-Australia (NW University Oval-13h45)

Bangladesh-South Africa  (JB Marks Oval-13h45)

Kuri uyu wa Gatandatu  taliki 21 Mutarama 2023 imikino y’igikombe cy’Isi muri Cricket mu  cyiciro cy’abakobwa batarengeje imyaka 19 “ICC U-19 Women’s T20 World Cup 2023” irimo kubera muri Afurika y’Epfo irakomeza hakinwa imikino y’icyiciro cya kabiri cy’amakipe 12 “Super 6”.

Nyuma y’imikino y’amajonjora mu matsinda 4, amakipe 12 ni yo yakomeje mu cyiciro cya kabiri “Super 6” aho yagabanyijwe mu matsinda 2. Itsinda rya 1 rigizwe n’amakipe 6 yari mu itsinda A na D ari yo  Bangladesh, Australia, Sri Lanka (A), India, South Africa  na UAE (D).

Itsinda  2 rigizwe na England, Pakistan n’u Rwanda (B), New Zealand, West Indies na Ireland (C).

Mu mikino iteganyijwe, mu itsinda 2, ikipe y’u Rwanda  irakina na New Zealand, umukino urabera muri North-West University Oval. Ubwo aya makipe yiteguraga iri rushanwa yakinnye umukino wa gicuti taliki 09 Mutarama 2023 maze ikipe ya New Zealand itsinda u Rwanda ku kinyuranyo cy’amanota 63 (154-91).

Undi mukino urahuza  ikipe ya Ireland na England kuri JB Marks Oval. Iyi mikino yombi iratangira saa yine (10h00).

Mu itsinda 2, imikino iteganyijwe, ikipe ya India irakina na Australia muri North-West University Oval naho Bangladesh ikine na South Africa kuri JB Marks Oval. Iyi mikino yombi iratangira saa saba n’iminota 45 (13h45).

Scotland na Indonesia zitwaye neza mu guhatanira imyanya

Ku wa Gatanu taliki 20 Mutarama 2023 amakipe 4 atarashoboye gukomeza mu cyiciro ya kabiri yakinnye imikino yo guhatanira imyanya 4 ya nyuma “Fourth-Place Playoffs”.

Ikipe ya Scotland (D) yatsinze USA (A) naho ikipe ya Zimbabwe (B) itsindwa na  Indonesia (C), imikino yabereye Willowmoore Park mu mujyi wa Benoni.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27