Kicukiro : Hatashywe Urugo Mbonezamikurire y’abana bato

Kicukiro : Hatashywe Urugo Mbonezamikurire y’abana bato

Mu Karere ka Kicukiro hafunguwe ku mugaragaro Urugo Mbonezamikurire y’abana bato “Isaro Nursery” rumaze igihe gito rukora rukazajya rwakira abana bo mu bice bitandukanye  muri aka Karere.

Ni urugo rufite ubushobozi bwo kwakira abana benshi bafite guhera ku mezi atandatu kugeza ku myaka 5.

Uwase Eugenie, umwe mu bashinze “Isaro Nursery” yavuze ko uretse imibereho myiza y’abana, ababyeyi bazajya bajya mu kazi biringiye umutekano w’abana babo.

Uwase Eugenie washinze akanayobora “Isaro Nursery”

Uwase yagize ati: “Umubyeyi uzajya adusigira umwana bizamuha umutuzo n’umutekano w’umwana we, kuko dufite abakozi b’inzobere mu kwita ku bana, ikindi kandi ababyeyi twabizeza ko batugana tukita ku bana babo bizabafasha gutuza no  gutanga umusaruro mu kazi.”

Uru rugo mbonezamikurire y’abana bato “Isaro Nursery” rufite ibyumba by’amashuri, uburyamo, aho abana bazajya bitabwaho, igikoni gitegurirwamo amafunguro, ibibuga byo gukiniramo, ubwiherero n’ibindi.

Uwase yakomeje ati : “Tugamije gutuma abana bakura bafite imibereho myiza ndetse n’uburezi bufite ireme.”

Biteganywa ko “Isaro Nursery” izajya yakira abana bazajya bandikishwa n’ababyeyi babo batuye mu bice bitandukanye by’Umujyi wa Kigali, hagamijwe kurushaho kwita ku buzima bw’abana no gufasha ababyeyi gukora akazi batekanye.

Ni igikorwa cyashimwe na benshi mu babyeyi barerera muri uru rugo rwa  “Isaro Nursery”.

Bamwe mu babyeyi bishimiye iki gikorwa

U Rwanda rushyize imbere gahunda y’imbonezamikurire y’abana bato nk’imwe mu nkingi y’iterambere rirambye kuko abaturage bafite ubuzima bwiza ari inkingi y’iterambere.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27