Perezida Kagame yahaye inshingano abasirikare bakuru, bamwe bazamuwe mu ntera

Perezida Kagame yahaye inshingano  abasirikare bakuru, bamwe bazamuwe mu ntera

Perezida wa Repubulika akaba n’Umugaba w’Ikirenga w’Ingabo z’u Rwanda (RDF) Paul Kagame, yazamuye mu ntera bamwe mu basirikare bakuru ndetse bahabwa n’inshingano nshya. 

Lt Col Emmanuel Ruzindana wari Umuyobozi ushinzwe ibikorwa muri RDF, yazamuwe ku ipeti rya Colonel ahabwa n’inshingano nshya zo guhagararira inyungu z’u Rwanda mu bya gisirikare mu gihugu cya Uganda. 

Lt Col Bakunzi Frank wari Umuyobozi ushinzwe abakozi muri RDF (RDF CSC) na we yazamuwe ku ipeti rya Colonel, anagirwa uhagarariye inyungu z’u Rwanda mu bya gisirikare mu gihugu cya Misiri (Egypt). 

Brig Gen Ngiruwonsanga John Baptist yagizwe Umuyobozi w’Ishami rishinzwe gushyigikira ibikorwa by’amahoro (PSO) aho ibiro bye biri ku cyicaro cya RDF ku Kimihurura. 

Lt Col Bizimungu Claudien yagizwe Umuyobozi Mukuru wungirije w’Ishami rishinzwe Ubwenjenyeri n’Ikoranabuhanga muri RDF (Engineer Command)

Lt Col Kayisire Innocent yagizwe Umuyobozi Mukuru w’Ikigo Horizon Logistics, mu gihe Lt Col Jean Paul Munana yagizwe Umugaba w’Ingabo zirwanisha imodoka n’indege by’intambara (Engineering Brigade). 

Lt Col Mafura Faustin na we yahawe kunguriza Lt Col Munana mu buyobozi bwa Engineering Brigade. Izi mpinduka zahise zihabwa agaciro zikimara gutangazwa n’ubuyobozi bw’Ingabo z’u Rwanda. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27