Umusirikare wa FARDC wayobeye mu Rwanda yasinze ngo ni Umukomando  

Umusirikare wa FARDC wayobeye mu Rwanda yasinze ngo ni Umukomando  

Ubuyobozi bwa Repubulika Iharanira Demokarasi ya Congo (RDC), bwemeje ko umusirikare wa FARDC wafashwe yinjiranye intwaro ku butaka bw’u Rwanda yamaze kurekurwa ku wa Kabiri taliki ya 27 Nzeri 2022.

Ni nyuma y’uko ubuyobozi bw’Ingabo z’u Rwanda (RDF) bwemeje ko nyuma yo gufatwa no guhatwa ibibazo, byagaragaye ko kuba yinjiye ku butaka bw’u Rwanda byari ikibazo cyoroheje, cyane ko binavugwa ko yari yasomye kuri ka manyinya.

Umuyobozi w’Ingabo wungirije muri Teritwari ya Nyiragongo Col. Malosa Mboma, ari na we bivugwa ko yagize uruhare rukomeye mu gukorana n’ubuyobozi bwa RDF kugira ngo arekurwe, yavuze ko uyu musirikare warekuwe ari umukomando.

Yemeje ko uwo musirikare abarizwa mu mutwe udasanzwe w’Ingabo za FARDC, akaba yarafashwe amaze kurenga imbibi z’Igihugu cye anitwaje intwaro.

Yagize ati: “Byabayeho mu buryo butunguranye, ariko byarangiye. Uyu musirikare yamaze kugaruka mu Gihugu, anyuze ku Mupaka Munini uhuza Umujyi wa Gisenyi n’uwa Goma (grande barrière). Dukorera ku mupaka, yaribeshye rero yambuka imbibi nuko bahita bamuta muri yombi.”

Ubuyobozi bwa Teritwari ya Nyiragongo mbere bwari bwatangaje ko uwo musirikare yatawe muri yombi arimo gutashya inkwi zo kujya gutekesha ibyo kurya, ariko Umuvugizi w’Ingabo z’u Rwanda Brig. Gen. Ronald Rwivanga we agaragaza ko uwo musirikare yafashwe bigaragara ko yasinze.  

Uyu musirikare wafashwe ku wa Gatandatu taliki ya 24, yarekuwe ku wa Mbere taliki ya 26 nk’uko byemejwe n’ubuyobozi bwa FRDC.   

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27