U Rwanda rwahagarariwe mu Nama ya Loni ihuje abayobozi ba Polisi

U Rwanda rwahagarariwe mu Nama ya Loni ihuje abayobozi ba Polisi

Umuyobozi Mukuru wungirije wa Polisi y’u Rwanda ushinzwe ibikorwa DCG Felix Namuhoranye, ari i New York aho yitabiriye inama ya 3 y’Umuryango w’Abibumbye ihuriza hamwe abayobozi ba Polisi   (UNCOPS).

Inama y’abayobozi ba Polisi mu Muryango w’Abibumbye (UNCOPS 2022) yahurije hamwe Abaminisitiri, Abayobozi ba Polisi n’abahagarariye imiryango ishinzwe iyubahirizwa ry’uburenganzira bwa muntu ku cyicaro cy’Umuryango w’Abibumbye guhera taliki ya 31 Kanama kugeza ku kuri uyu wa Kane ku ya 1 Nzeri. 

Intego nyamukuru y’iyi nama ni ugushyiraho ingamba z’uburyo bwo gushimangira amahoro mpuzamahanga, umutekano n’iterambere kuri bose; binyuze mu guhuza imbaraga zo gucunga umutekano imbere mu bihugu ndetse n’umutekano w’ibihugu bihuriye mu Muryango w’Abibumbye.

Ku wa Gatatu taliki ya 31 Kanama, DCG Namuhoranye yitabiriye itsinda ry’ibiganiro ku “Kongera ingufu za Polisi binyuze mu mahugurwa: Gahunda y’imikorerere ihuriweho yiswe  One UN” bishingiye  ku nama y’abayobozi ba Polisi mu Muryango w’Abibumbye. 

Ni ibiganiro byateguwe n’u Rwanda, u Budage, Finlande, Kiribati na Fiji ku bufatanye n’ishami rya Polisi y’Umuryango w’Abibumbye ndetse na serivisi ishinzwe amahugurwa.

Nyuma DCG Namuhoranye yifatanyije n’abandi banyacyubahiro mu ifunguro rya saa sita ryayobowe n’Umuyobozi w’Intumwa z’Amerika muri UNCOPs, ryabayeho mu rwego rwo kongerera ubushobozi abapolisi mu kubungabunga amahoro.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27