Volleyball: Cameroun yatsinze u Rwanda mu Gikombe cya Afurika

Volleyball: Cameroun yatsinze u Rwanda mu Gikombe cya Afurika

Ikipe y’Igihugu y’u Rwanda ya Volleyball mu Bagabo yatsinzwe na Cameroun amaseti 3-1 mu mukino usoza imikino yo mu Itsinda D ry’Igikombe cya Afurika kiri kubera muri Tunisia.

Uyu mukino wabereye muri Palais des Sports Elmenzah i Tunis mu ijoro ryo ku wa Kane, tariki ya 17 Nzeri 2026.

U Rwanda rwatangiye neza umukino, rwegukana iseti ya mbere ku manota 25-18. 

Cameroun yagarutse ikomeye mu maseti yakurikiyeho, ikoresha neza uburyo bwo gusatira no guhagarika serivisi z’abakinnyi b’u Rwanda, ihita ihindura isura y’umukino itsinda iseti ya kabiri iya gatatu n’iya kane  bworoshye 25-21, 25-23 na 25-19. 

Umukino warangiye Cameroun itsinze u Rwanda  amaseti 3-1(18-25, 25-21, 25-23 na 25-19) isoza imikino yo mu itsinda ari iya mbere, mu gihe u Rwanda rwabaye urwa kabiri mu Itsinda D.

Iyi kipe y’u Rwanda yari yinjiye muri uyu mukino ifite intsinzi ebyiri, nyuma yo gutsinda RDC amaseti 3-1 mu mukino wa kabiri w’irushanwa.

Ni intsinzi yari yakurikiye iy’amaseti 3-0 u Rwanda rwabonye kuri Repubulika ya Centrafrique ku mukino wa mbere.

U Rwanda ruzakina umukino wa 1/8 cy’irangiza na Gambia yabaye iya gatatu mu Itsinda B ryari ririmo Misiri na Maroc. Uwo mukino uteganyijwe ku wa Gatandatu saa Munani z’amanywa.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27