Kiyovu Sports yegukanye FERWAFA Super Cup ku nshuro ya mbere mu mateka (Amafoto)

Kiyovu Sports yegukanye FERWAFA Super Cup ku nshuro ya mbere mu mateka (Amafoto)

Kiyovu Sports yegukanye igikombe kiruta ibindi mu Rwanda (FERWAFA Super Cup) bwa mbere mu mateka, itsinze Police FC igitego 1-0 mu mukino wabereye kuri Kigali Pele Stadium, kuri iki Cyumweru, tariki ya 30 Kanama 2026.

Yari inshuro ya mbere amakipe yombi ahuriye ku mukino wa nyuma wa FERWAFA Super Cup.

Ni umukino watangiye wegeranye kuko nta kipe n’imwe yageragezaga kugera imbere y’izamu kenshi ngo ishake igitego.

Igice cya mbere cyarangiye amakipe yombi anganya ubusa ku busa.

Igice cya kabiri cyatangiranye imbaraga, ariko Kiyovu Sports isatira cyane Police FC, ihita ibona n’amahirwe akomeye ku ishoti rikomeye ryageragejwe na Hamis Hakim ku munota wa 49, ariko rinyura hejuru y’izamu gato.

Nyuma y’umunota umwe gusa Police FC yahise igera imbere y’izamu rya Kiyovu Sports ibona koruneri yavuyemo akavuyo, Kwitonda Alain atera ishoti mu izamu rikurwamo n’umunyezamu wa Kiyovu Sports, James Desire.

Umutoza wa Kiyovu Sports, Harrison Mark Simon, yakoze impiduka mu kibuga akuramo Lola Kanda Moise, Shaba Kagayo na Rwabuhihi Placide, ashyiramo Mugisha Didier, Gihozo David na Avit Nkundimana.

Ni mu gihe Rkyek Jaafar utoza Police FC yakuyemo Tangara Keffa, Iradukunda Simeon na Luc Bide Ndohoungar ashyiramo Ingabire Chrisman, Ekeson Okorie na Manishimwe Djabel.

Ku munota wa 83 w’umukino, myugariro wa Kiyovu Sports Ntwali Asman yahinduye umupira mwiza mu rubuga rw’amahina, usanga Hakim Hamis ahagaze neza mu rubuga rw’amahina, aragarama ashyira umupira mu izamu atsinda igitego.

Umukino warangiye Kiyovu Sports yatsinze Police FC igitego 1-0, yegukana iri rushanwa rya FERWAFA Super cup ku nshuro ya mbere mu mateka, nubwo yabaye iya gatatu muri shampiyona y’umwaka ushize wa 2025/26.

Uretse igikombe, iyi kipe izahabwa na miliyoni 40 Frw, mu gihe Police FC yo izahabwa miliyoni 20 Frw.

Kiyovu Sports yaherukaga igikombe gikomeye mu 1993. Gusa mu 2022 yatwaye igikombe cya Made in Rwanda Cup’. Itsinze Rayon Sports ibitego 2-1.

Kwitonda Alain ‘Bacca’ wa Police FC ari kugerageza gushaka uko atanga umupira
Visi Perezida wa kabiri wa FERWAFA, Mugisha Richard, ni we watanze igikombe
Kapiteni wa Kiyovu Sports, Mbonyingabo Regis, ari kwishimira igikombe
Kiyovu Sports yegukanye igikombe cya FERWAFA Super Cup ku nshuro ya mbere mu mateka
Igitego cyatsinzwe na Hakim Hamiss cyahesheje Kiyovu Sports igikombe cya FERWAFA Super Cup
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27