Deogratius Ndejembi yagizwe Visi Perezida mushya wa Tanzania

Deogratius Ndejembi yagizwe Visi Perezida mushya wa Tanzania

Deogratius Ndejembi yagizwe Visi Perezida mushya wa Tanzania, asimbuye Emmanuel John wari uherutse kwegura kuri uwo mwanya ndetse agahita anirukanwa mu ishyaka rya CCM ashinjwa imyitwarire mibi.

Ni nyuma ko kurahira kwe mu muhango wabereye mu Mujyi wa Dodoma, uyoborwa na Perezida wa Tanzania, Samia Suluhu Hassan, kuri uyu wa Gatandatu, tariki ya 29 Kanama 2026.

Perezida Samia Suluhu Hassan yavuze ko Ndejembi yatoranyijwe hashingiwe ku bushobozi bwe, ubunararibonye mu buyobozi, imyitwarire, ubunyamwuga ndetse n’imbaraga z’urubyiruko.

Ati: “Umwanya w’ubuyobozi ni icyizere uba ugiriwe. Umwanya twaguhaye si ubwami; ni inshingano. Korera Abanya-Tanzania bose utitaye ku bibatandukanya.”

Yamusabye gukomeza kwigira ku bandi bayobozi no gukoresha ubunararibonye afite mu nyungu z’igihugu, agaragaza ko Abanya-Tanzania bamutezeho ubudahemuka, ubunyangamugayo, gukunda igihugu, ubwenge n’ubunyamwuga.

Perezida Samia yanibukije Ndejembi ko Guverinoma ifite inshingano zo gushyira mu bikorwa ibyo CCM yemereye abaturage, gahunda y’iterambere kugeza mu 2030 ndetse n’icyerekezo cy’igihugu cy’imyaka 25.

Deogratius Ndejembi yari asanzwe ari Minisitiri w’Ingufu.

Deogratius Ndejembi yarahiriye kuba Visi Perezida mushya wa Tanzania
Deogratius Ndejembi yasabwe gufasha ishyaka rya CCM gushyira mu bikorw ibyo bemereye abaturage mu matora ya 2025
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27