Volleyball: U Rwanda rwatangiye neza mu Gikombe cya Afurika cy’Abagore

Volleyball: U Rwanda rwatangiye neza mu Gikombe cya Afurika cy’Abagore

Ikipe y’Igihugu y’abagore yatangiye neza mu Gikombe cya Afurika cya Volleyball kiri kubera muri Kenya aho yatsinze n’iya Algeria amaseti 3-0 mu mukino wabaye kuri uyu wa Kabiri tariki ya 25 Kanama 2026.

Muri uyu mukino wo mu Itsinda D, u Rwanda rwatsinze amaseti yose uko ari atatu, aho rwatsinze iya mbere ku manota 25-22, iya kabiri kuri 25-20 ndetse n’iya gatatu kuri 25-16.

Muri rusange, umukino wamaze isaha imwe n’iminota 33, aho Kapiteni w’u Rwanda, Munezero Valentine, yagize uruhare rukomeye muri iyi ntsinzi, atsinda amanota 16.

Tuyishime Aloysie na we yitwaye neza atsinda amanota 14, mu gihe Dusabe Flavia yatsinze amanota 10 angana n’aya Abderrahim watsinze menshi ku ruhande rwa Algeria.

Ikipe y’u Rwanda izasubira mu kibuga ku wa Gatatu, tariki ya 26 Kanama, aho izahura na Repubulika Iharanira Demokarasi ya Congo.

Ikipe y’Igihugu y’Abagore yatsinze Algeria mu mukino wayo wa mbere mu Gikombe cya Afurika
U Rwanda rwatangiye neza mu Gikombe cya Afurika cy’Abagore
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27