Ishimwe Adelaide yakorewe ibirori byo gusezera ubukumi

Ishimwe Adelaide yakorewe ibirori byo gusezera ubukumi

Umunyamakuru Ishimwe Adelaide uzwi nka Ida wahoze akorana na Hitimana Claude uzwi nka Hit mu biganiro by’imikino kuri Radio 10, yakorewe ibirori byo gusezera ubukumi (Bridal Shower) mu gihe akomeje imyiteguro y’ubukwe.

Ni byateguwe kandi bikorwa n’inshuti ze n’umuryango we mu mpera z’icyumweru gishize, bamwifuriza ishya n’ihirwe mu rugendo rushya rwo kubaka umuryango atangiye.

Kuri uyu wa Kabiri, tariki ya 25 Kanama 2026, ni bwo Ishimwe yashyize ahagaragara amafoto agaragaza ko wari umunsi udasanze, ashimira Imana agira ati “Ishimwe ni iry’Imana ibihe byose.”

Mu butumwa yagenewe n’abitabiriye ibyo birori byagaragaraga aho batatse bamumenyesheje ko bamukunda hari handitse bati: “Uyu munsi uteye intambwe idasubira inyuma, kandi urukundo rwacu uzaruhorana.”

Ibirori byo gusezera ubukumi ni ibirori bikorerwa umukobwa uteganya gushyingirwa bigahuriramo ababyeyi barimo inshuti ze, iz’abavandimwe be n’ababyeyi bo mu muryango bagamije kumugira inama no kumushyigikira mu buryo bw’amikoro.

Ishimwe akorewe ibirori byo gusezera ku bukumi nyuma y’amezi abiri bagaragaje ko bafashe umwanzuro wo kurushinga kandi batangiye imyiteguro, babitangaje nyuma y’iminsi mike Ishimwe yari amaze asezeye kuri RadioTV/10 yari amaze imyaka ine akorera.

Icyo gihe yari avuye mu kiganiro cy’imikino yahuriragamo na ariko aguma mu bikorwa bitandukanye bya ruhago mu Rwanda. Biteganyijwe ko ubukwe b’aba bombi buzaba tariki 5 Nzeri 2026.

Ni ibirori byatangiye hasengerwa urugendo agiye gutangira
Byari umunezero kuri Ida wasezeye ku bukumi
Ishimwe yashimiye abakomeje kumushyigikira
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27