Juma Jux n’umugore we Ajoke barateganya kubyara ubuheta

Juma Jux n’umugore we Ajoke barateganya kubyara ubuheta

Umuhanzi Juma Jux n’umugore we Priscilla Ajoke Ojo bizihije isabukuru y’umuhungu wabo Juma yibutsa umugore we ko ari igihe cyo kubyara undi mwana uzamara irungu imfura.

Abo babyeyi bizihije isabukuru y’umwaka bibarutse imfura yabo bise Prince Rakeem Ayomide Mkambala, mu birori bakoze ku mugoroba w’itariki 24 Kanama 2026, byitabirwa n’inshuti n’abavandimwe babo.

Yifashishije imbuga nkoranyambaga kuri uyu wa Kabiri tarki 25 Kanama 2026, Juma Jux yasangije abamukurikira ifoto ari kumwe n’umugore we n’umwana wabo ayiherekeresha amagambo abwira umugore ko igihe kigeze ngo babyare undi mwana.

Yanditse ati: “Rukundo rwanjye Umuhungu wacu yakuze ubu ni igihe cyo kumushakira mushiki we uzatuma aca bugufi.”

Byashimangiwe na nyina w’umwana Priscilla Ojo wagaragaje ko umuhungu wabo yamaze kugira umwaka umwe kandi bishimiye ko umuryango wabo watangiye ari uwa babiri wamaze kunguka undi muntu wa gatatu.

Juma Jux n’umugore we bashyingiranywe muri Mata 2025, mu bukwe bw’akataraboneka bwabereye muri Nigeria, baza gukora kwiyakira muri Tanzania tariki 28 Gicurasi 2025.

Ni ubukwe bwitabiriwe n’ibyamamare bitandukanye ndetse no kwiyakira hagaragaramo abenshi mu byamamare byo mu Karere ka Afurika y’Iburasirazuba aho n’Umunyarwandakazi Alliah Cool ari mu bitabiriye.

Umuhanzi Juma Jux yabwiye umugore we ko igihe kigeze ngo bakurikize imfura yabo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27