Indonesia: Umutingito wahitanye 51 abasaga barakomereka 100

Indonesia: Umutingito wahitanye 51 abasaga barakomereka 100

Umutingito ufite ubukana bwa 7,7 wibasiye bikomeye u Burasirazuba bwa Indonesia, uhitana abantu 51 abandi 113 barakomereka, mu gihe abarenga 5 000 bavanwe mu byabo. Ubuyobozi bwa Indonesia bwatangaje ko uwo mutingito watangiye mu gitondo cyo ku wa 15 Kanama 2026, mu Ntara y’Iburasirazuba bwa Nusa Tenggara muri icyo Gihugu. Ibikorwa by’ubutabazi birakomeje.

Ikigo cya Leta Zunze Ubumwe za Amerika gishinzwe ubushakashatsi ku mutingito, (USGS) cyatangaje ko uwo mutingito wakurikiwe n’indi mitingito igera kuri 341, bituma bantu benshi bava mu byabo.

Aljazeera yatangaje ko nubwo ibikorwa by’ubutabazi bigikomeje, uwo mutingito wasenye inzu 157 mu gace ka Nagekeo kegereye aho umutingito watangiriye ndetse munsi y’ayo mazu hakaba hakomeje gushakishwa ko hari abantu baguyemo.

Indonesia ni kimwe mu bihugu ku Isi bikunze kwibasirwa n’imitingito, bitewe n’igice cy’Isi iherereyemo aho iri ku murongo uzwi nka ‘Ring of Fire’, uzengurutse inyanja ya Pasifika ari na cyo gice cy’Isi  kibonekamo imitingito myinshi.

Umutingito wahitanye abarenga 50 abandi ibihumbi bava mu byabo muri Indonesia
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27