RIB: Ibyo Shema Fabrice afungiwe ntaho bihuriye na FERWAFA

RIB: Ibyo Shema Fabrice afungiwe ntaho bihuriye na FERWAFA

Umuvugizi w’Urwego rw’Ubugenzacyaha (RIB) Dr. Murangira B. Thierry yatangaje ko Perezida w’Ishyirahamwe ry’Umupira w’Amaguru (FERWAFA) Shema Ngonga Fabrice, ibyo akurikirikaranweho byo gutanga Sheke itazigamiye bijyanye n’imirimo ye bwite, ntaho bihuriye n’inshingano ze mu mupira w’amaguru yari asanzwe akuriye mu Rwanda.

Yabivugiye mu kiganiro n’itangazamakuru cyabaye kuri uyu wa 13 Kamana 2026, asaba abantu ko badakwiye gukomeza guhuza itabwa muri yombi rya Shema n’inshingano yari asanzwe afite muri FERWAFA.

Mu magambo make yagize ati: “Akurikiranyweho gutanga sheki itazigamiye, iperereza rirakomeje. Ni sheki ijyanye n’imirimo yakoraga. Kugeza aho nta kindi twatangaza.”

Yunzemo ati: “Haveho n’ibindi bintu twumva by’urujijo abantu bamwe batera, bavuga ibintu bitari byo. Ubu ni bwo butumwa bwemewe. Ni imirimo ye bwite, ntaho ihuriye na FERWAFA.”

Shema yatawe muri yombi tariki ya 11 Kanama 2026, akaba afungiye kuri Sitasiyo ya RIB ya Kicukiro mu gihe iperereza rikomeje ngo dosiye ye ishyikirizwe Ubushinjacyaha.

Umuvugizi wa RIB, Dr. Murangira B. Thierry yavuze ko ibyo Shema Fabrice uyobora FERWAFA akekwaho, nta ho bihuriye n’umupira w’amaguru
Perezida wa FERWAFA, Shema Ngonga Fabrice afungiwe gutanga sheki itazigamiwe
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27