Gen. Muhoozi yashyizeho Umuyobozi w’agateganyo w’Umutwe w’Ingabo zidasanzwe muri UPDF

Gen. Muhoozi yashyizeho Umuyobozi w’agateganyo w’Umutwe w’Ingabo zidasanzwe muri UPDF

Umugaba Mukuru w’Ingabo za Uganda akanaba n’Umujyanama mu by’umutekano wa Perezida Yoweri Kaguta Museveni, Gen Muhoozi Kainerugaba, yagize Brig. Gen. Asaph Mweteise Nyakikuru umuyobozi w’agateganyo w’Umutwe w’Ingabo zidasanzwe z’icyo gihugu (Special Forces Command – SFC).

Bikubiye mu itangazo ryashyizwe hanze n’Umuvugizi w’igisirikare cya Uganda, Col. Chris Magezi, kuri uyu wa Mbere tariki ya 3 Kanama 2026, ndetse Brig. Gen. Asaph ahabwa ipeti ry’agateganyo rya Major General. Iri tangazo rikomeza rivuga ko izi mpinduka zatangiye gukurikizwa kuri uyu wa Mbere tariki 3 Kanama 2026.

Gen. Maj. Asaph Mweteise Nyakikuru asimbuye Maj. Gen. David Mugisha wari usanzwe uyobora uyu mutwe w’Ingabo ugiye kujya mu mahugurwa y’amasomo yo ku rwego rwo hejuru mu bijyanye n’umutekano mu mahanga mu mezi ari imbere.

Special Forces Command (SFC) ni umwe mu mitwe igize Ingabo za Uganda aho ugizwe n’abasirikare bo mu mutwe w’ingabo zishinzwe kurinda inzego nkuru z’igihugu barimo n’abarinda Perezida Yoweri Museveni.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27