Ayra Starr yagaragaje impamvu yari amaze iminsi atagaragara mu muziki

Ayra Starr yagaragaje impamvu yari amaze iminsi atagaragara mu muziki

Umuhanzikazi w’Umunya-Nigeria ukora injyana ya Afrobeats, Ayra Starr yatangaje ko ari mu bihe byo gukira nyuma yo kubagwa bikomeye akaba ari na yo mpamvu yatumye abura mu muziki no ku mbuga nkoranyambaga.

Yifashishije imbuga nkoranyambaga ze ku mugoroba w’itariki 30 Nyakanga 2026, Ayra Starr yabwiye abamukurikira ko amaze iminsi arimo guca mu bihe bitamworoheye byatewe no kuba yarabazwe ndetse uko kubagwa kwe bikabanza kugorana.

Yagize ati: “Muraho bakunzi banjye, mbiseguyeho kuba mutakimbona nk’uko nanjye nabyifuzaga. Mu minsi ishize narabazwe bikomeye. Nari nizeye ko nakira vuba, ariko byaragoye kurusha uko twari tubyiteze.”

Uwo muhanzikazi akomeza avuga ko ataramera neza bityo akeneye akaruhuko ariko kandi abasaba kwihangana kuko azagaruka vuba. Ati: “Icyo nkeneye ubu ni ukuruhuka gato, hanyuma nzagaruka. Starrgirl araje vuba cyane.”

Ayra Starr azwi ku ndirimbo zitandukanye zirimo Rush, Bloody Samaritan, Stability, Commas, Last Heartbreak Song n’izindi. Akaba n’umwe mu bahanzi bamaze kwegukana Grammy Awards mu cyiciro cya Best African Music Performance inshuro ebyiri.

Ayra Starr yavuze ibyo nyuma y’uko yaherukaga kugaragara muri ‘Teen Vogue Fest 2026’ yabaye ku wa 26 Nyakanga 2026, i Brooklyn muri Amerika, Nyuma y’icyo gikorwa, yamaze icyumweru atagaragara, mbere yo gutangaza ko yari ari mu bihe byo gukira nyuma yo kubagwa bikomeye nk’uko yabitangaje.

Ayra Starr yaherukaga kugaragara ubwo yari mu gitaramo muri ‘Teen Vogue Fest 2026’ yabereye muri Amerika
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27