Handball: APR HC yegukanye Igikombe cya Shampiyona ya 2025/26 (Amafoto)

Handball: APR HC yegukanye Igikombe cya Shampiyona ya 2025/26 (Amafoto)

APR HC yatsinze Police HC ibitego 31-29, ibona intsinzi ya gatatu, yegukana Igikombe cya Shampiyona ya Handball mu Bagabo. 

Ni umukino wabaye ku mugoroba wo ku wa 30 Kamena 2026, kuri Petit Stade i Remera, nyuma y’uko Ikipe y’Ingabo z’Igihugu yavuye inyuma igatsinda imikino ibiri iheruka, yaratsinzwe ibiri ya mbere.

Ni umukino watangiye amakipe yombi anganya ibitego 11-11, ubona ko habuze ifata iya mbere mu kuyobora umukino wari ku muvuduko uri hejuru ndetse urimo ishyaka n’imbaraga byinshi.

Mu minota nyuma y’igice cya mbere n’umunyezamu wa APR, Uwimana Jackson, yakuyemo imipira ibiri, yatumye ikipe ye ibyaza umusaruro amahirwe yabonye, ijya imbere n’ibitego 14-11 ndetse isoza iki gice iyoboye n’ibitego 16-14.

Igice cya kabiri cyatangiranye impinduka ku ruhande rwa Police HC yahise izamuka, ifata APR zinganya ibitego 19-19, ariko Ikipe y’Ingabo yongera guhagarara neza mu kugarira.

Bryan Wakhuka na Rwamanywa Viateur bafashije APR HC kuzamura ibitego igira 28-24 mu gihe haburaga iminota 13 ngo umukino urangire.

Iyi kipe itozwa na Bagirishya Anaclet yakomeje kugenda imbere, mu minota ya nyuma Police HC yagerageje kugabanya ikinyuranyo ariko umukino urangira APR itsinze ibitego 31-29.

Igikombe APR HC yegukanye cyabaye icya kane mu mateka itwaye yayo mu gihe Police HC yashakaga kwegukana Shampiyona ku nshuro ya 11.

Iyi kipe y’Ingabo izahagarira u Rwanda mu mikino y’amakipe yabaye aya mbere iwayo ku mugabane wa Afurika (Africa Handball Champions League) izabera muri Angola muri uyu mwaka.

Mu bagore, igikombe cya shampiyona cyegukanywe na E.SC. Nyamagabe itsinze UR Rukara ibitego 40-23 mu gihe Mutenderi TSS yegukanye Shampiyona y’Icyiciro cya Kabiri mu Bagabo itsinze TTC de la Salle ibitego 31-24.

APR HC yinjiye muri uyu mukino ari yo yatsinze imikino ibiri iheruka guhuza amakipe yombi
APR HC yigaranzuye Police HC yegukana igikombe cya Shampiyona ya 2025/26
E.S.C Nyamagabe niyo yatwaye igikombe mu cyiciro cy’abagore
Byari ibyishimo kuri Bagirishya Anaclet nyuma yo guhesha APR HC igikombe cya Shampiyona
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27