Rayon Sports yatangaje itariki y’Umunsi w’Igikundiro 2026 

Rayon Sports yatangaje itariki y’Umunsi w’Igikundiro 2026 

Ikipe ya Rayon Sports yatangaje ko Umunsi w’Igikundiro “Rayon Sports Day” muri uyu mwaka wa 2026 uteganyijwe ku wa Gatandatu, tariki ya 18 Nyakanga kuri Stade Amahoro.

‘Rayon Sports Day’ ni umunsi uhuza abakunzi bayo, bakerekwa abakinnyi izakoresha mu mwaka mushya w’imikino ndetse ikanakina umukino wa gicuti.

Mu rwego rwo kwitegura neza umwaka w’imikino utaha wa 2026/27 Rayon Sports imaze gusinyisha abakinnyi bashya barimo Antonio Atisso Kodjo, Nizeyimana Mubaraka, Ndayishimiye Didier, Nshuti Didier, Nisingizwe Christian, Abbel Matumona, Charles Tchouplaou na Ndikumana Fabio. Ni mu gihe yatandukanye n’abarimo Youssou Diagne, Ramazani Tshimanga, Bayisenge Emery na  Ntarindwa Aimable. 

Iyi kipe yambarara ubururu n’umweru yasoreje ku mwanya wa kabiri mu makipe yo mu Rwanda mu mwaka ushize w’imikino, iritegura amarushanwa mpuzamahanga arimo CECAFA Kagame Cup rizabera mu Rwanda, ndetse na CAF Confederation Cup.

Mu mwaka ushize wa 2025, ubwo habaga uyu Munsi w’Igikundiro, Rayon Sports yatsinzwe na Yanga SC yo muri Tanzania ibitego 3-1 mu mukino wa gishuti wabereye kuri Stade Amahoro.

Kuri Rayon Sports Day, iyi kipe yerekana abakinnyi n’abatoza iba igiye gukoresha mu mwaka w’imikino mushya
Abakunzi ba Rayon Sports bazahurira muri Stade Amahoro ku wa 18 Nyakanga
Yanga SC ni yo yatwaye igikombe cy’Umunsi w’Igikundiro wa 2025
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27