Umuhanzi Yvan Buravan yitabye Imana azize Kanseri y’urwagashya

Umuhanzi Yvan Buravan yitabye Imana azize Kanseri y’urwagashya

Umuhanzi Nyarwanda Burabyo Yvan wamenyekanye cyane nka Yvan Buravan kubera indirimbo ze zakunzwe mu Rwanda no mu ruhando mpuzamahanga yitabye Imana azize Kanseri y’urwagashya mu rukerera rwo kuri uyu wa Gatatu taliki ya 17 Kanama 2022.

Yvan Buravan apfuye agejeje ku myaka 27 y’amavuko, nyuma y’igihe kitari gito yari amaze arembejwe n’iyo kanseri ifata urwagashya yari arimo kuvurirwa mu Buhinde.

Itangazo ryagaragajwe n’abamuhagarariye mu muziki rigaragaza ko Yvan Buravan yatangiye kuremba nyuma yo kuririma indirimbo yise “Big time”, atangira kwivuza ku ya 2 Nyakanga muri uyu mwaka.

Yasubiye imuhira nyuma yo kumara icyumweru mu Bitaro byitiriwe Umwami Faisal. Icyo gihe Buravan akaba yaratangaje ko arimo gukira ariko biza gutangazwa nyuma ko yagiye muri Kenya gukomeza kwivuriza yo.

Kuva icyo gihe, ubuzima bwa Buravani bwakomeje kuzahara bituma abakunzi n’abafana bifatanya na we bamusengera aho kugira ngo bakomeze bavuge ku burwayi bwe mu bitangazamakuru no ku mbuga nkoranyambaga.

Nyuma yo kumara iminsi mike muri Kenya, Buravan yagarutse mu Rwanda mbere yo kurizwa indege ijya mu Buhinde mu ntangiriro z’uku kwezi kwa Kanama.

Abahanzi, abanyepolitiki, abafana n’abantu b’ingeri zose bamumenye bakomeje kugaragaza uburyo bashenguwe n’iyo nkuru y’inshamugongo ku musore wari akiri muto afite ahazaza heza hafite icyerekezo kizima.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27