Volleyball: Kepler VC na Kenya Pipeline VC zegukanye Irushanwa ryo Kwibuka 32

Volleyball: Kepler VC na Kenya Pipeline VC zegukanye Irushanwa ryo Kwibuka 32

Kepler VC na Kenya Pipeline VC zegukanye Irushanwa Mpuzamahanga rya Volleyball ryo Kwibuka ku nshuro ya 32 Jenoside yakorewe Abatutsi mu 1994.

Mu ijoro ryo ku wa 21 Kamena 2026, ni bwo kuri Petit Stade i Remera hasojwe imikino y’iri rushanwa ryitabiriwe n’amakipe yo muri Uganda, Kenya n’ayo mu Rwanda.

Mu bagabo, amakipe yo mu Rwanda yari ahagaze neza, dore ko igikombe cyatwawe na Kepler VC nyuma yo gutsinda APR VC amaseti 3-0 (25-22, 28-26, 25-21) mu gihe umwanya wa gatatu watwawe n’ikipe ya Police VC itsinze REG VC amaseti 3-1 (25-22, 25-17, 20-25, 29-27).

Mu cyiciro cy’abagore, Kenya Pipeline VC ni yo yitwaye neza yegukana igikombe, nyuma yo gutsinda APR WVC biyoroheye amaseti 3-0 (25-17, 25-20, 25-15) mu gihe umwanya wa gatatu wegukanywe na Police WVC yatsinze Kepler WVC amaseti 3-2 (21-25, 25-23, 25-12, 13-25, 11-25).

Mbere y’uko iyi mikino itangizwa, habanzaga gufatwa umunota wo kwibuka abakinyi n’abakunzi ba siporo bishwe muri Jenoside yakorewe Abatutsi mu 1994.

Irushanwa nk’iri umwaka ushize rikaba ryari ryegukanywe na REG VC mu bagabo mu gihe mu bagore ikipe ya Police WVC ari yo yari yaryegukanye.

Abakinnyi ba Kepler VC bishimiye kwegukana Igikombe cy’Irushanwa Mpuzamahanga ryo Kwibuka 32
Abakinnyi batanu bitwaye neza mu bagore
APR VC yasoreje ku mwanya wa Kabiri mu bagabo
Kenya Pipeline VC yatsinze APR WVC zahuriye ku mukino wa nyuma
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27