Igikombe cy’Isi: Iran yategetswe kuva muri USA ikimara gukina umukino wayo wa mbere

Igikombe cy’Isi: Iran yategetswe kuva muri USA ikimara gukina umukino wayo wa mbere

Inzego z’Umutekano muri Leta Zunze Ubumwe z’Amerika zategetse Ikipe y’Igihugu ya Iran guhita iva muri Leta Zunze Ubumwe za Amerika nyuma yo kunganya na New Zealand ibitego 2-2 mu mukino wayo wa mbere w’Igikombe cy’Isi cya 2026, ibintu umutoza wayo Amir Ghalenoei yavuze ko byabangamiye imyiteguro y’abakinnyi.

Ikinyamakuru CBS News cyatangaje ko umutoza Ghalenoei yavuze ko bari bateganyije kurara muri California kugira ngo abakinnyi babashe kuruhuka nyuma y’umukino, ariko nyuma yawo bahita babwirwa gusubira mu mwiherero wabo uri i Tijuana muri Canada.

Yagize ati: “Ntibaduhaye n’umwanya wo gukira umunaniro. Nyuma y’umukino batubwiye ko tugomba guhita tugenda ako kanya. Ibi biraduteza ikibazo gikomeye.”

Uyu mutoza yavuze kandi ko ikipe ye iri mu zahuye n’imbogamizi nyinshi muri iri rushanwa, yongeraho ati: “Ntekereza ko ikipe yacu ari yo yahuye n’akarengane kurusha izindi muri iki Gikombe cy’Isi.”

Ishyirahamwe ry’Umupira w’Amaguru muri Iran, ryamenyesheje Ishyirahamwe ry’Umupira w’Amaguru ku Isi (FIFA), ko bitazashoboka ko abakinnyi bayo baba muri Amerika kuko abajyanye na yo bose bimwe ibyangombwa.

Iran izagaruka mu kibuga ku Cyumweru tariki ya 21 Kamena ihura n’u Bubiligi, mu Mujyi wa Los Angeles, mbere yo guhura na Misiri ku itariki ya 27 Kamena mu Mujyi wa Seattle.

Yanditswe na Niyirora Théogène 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27