Basketball: Ikipe y’Igihugu yahamagaye abakinnyi izakoresha mu gushaka itike y’Igikombe cy’Isi

Basketball: Ikipe y’Igihugu yahamagaye abakinnyi izakoresha mu gushaka itike y’Igikombe cy’Isi

Umutoza w’Ikipe y’Igihugu y’Abagabo muri Basketball, Murenzi Yves yahamagaye abakinnyi 16 azakuramo abo azifashisha mu mikino yo gushaka itike y’Igikombe cy’Isi cya 2027. Kuri uyu wa Kane, tariki ya 11 Kamena 2026, ni bwo hashyizwe hanze urutonde rw’aba bakinnyi bazitabira irushanwa rizabera muri Angola kuva tariki ya 2 kugeza ku ya 5 Nyakanga 2026.

Abakinnyi bahamagawe ni Hubert Sage Kwizera, Manzi Kenny, Ntore Habimana, Umuhoza Jean De Dieu, Prince Twa, Sean Jeremaine Mwesigwa, Hagumintwari Steven, Twizeyimana Cyiza Chandelier na Ndizeye Ndayisaba Dieudonné.

Hari kandi Mpoyo Axel Olenga, Paul Bizimana, Shema Osborn, Semuhoza Moses, Irankunda Hilar, Furaha Cadeaux De Dieu na David Mccormack.

Icyiciro cya mbere cy’imikino yo gushaka itike y’Igikombe cy’Isi, Ikipe y’u Rwanda yitwaye nabi itsindwa imikino yose uko ari itatu, ikaba ari yo ya nyuma mu Itsinda C ririmo Guinea iyoboye n’amanota atandatu, Tunisia y’amanota atanu na Nigeria y’amanota ane.

Amakipe 80 yo muri Afurika, Aziya, u Burayi na Amerika ni yo yitabiriye imikino yo gushaka itike y’Igikombe cy’Isi cya Basketball kizabera i Doha muri Qatar kuva tariki ya 27 Kanama kugeza ku ya 12 Nzeri 2027, aho bari guhatanira kwisanga mu makipe 31 azitabira iri rushanwa.

Muri buri tsinda ry’u Rwanda hazazamuka amakipe atatu, yose abe 12 azahurire mu ijonjora rya kabiri, ari ryo rizatanga atanu azahagararira Afurika mu Gikombe cy’Isi. 

Urutonde rw’agateganyo rw’abakinnyi 16 bazakoreshwa mu mikino y’amajonjora y’Igikombe cy’Isi
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27