Uganda: Cindy Sanyu na Omega 256 bapfuye indirimbo bakoranye

Uganda: Cindy Sanyu na Omega 256 bapfuye indirimbo bakoranye

Umuhanzi wo muri Uganda wamenyekanye mu itsinda rya Blu*3 Cindy Sanyu, yeruye atangaza icyahungabanyije umubano we na Omega 256 bari inshuti ndetse banakoranye indirimbo avuga ko yigwijeho ibihembo by’indirimbo bakoranye akamwirengagiza.

Cindy Sanyu yabitangarije ko mu kiganiro yagiranye na Galaxy TV tariki 04 Kamena 2026, Cindy avuga ko ibibazo byabo byatangiye nyuma gato y’aho indirimbo isohokeye, cyane cyane igihe yatangiraga kwegukana ibihembo.

Yagize ati: “Umubano wacu wagize ibibazo nyuma yo gukora iyo ndirimbo kuko igihe cyose twahabwaga igihembo cy’iyo ndirimbo, itsinda rye ryavugaga ko ari bo bagomba kujyana icyo gihembo. Nanjye nkavuga nti ariko iyo ndirimbo harimo uruhare rwanjye.”

Sanyu yakomeje avuga ko kuba atarigeze amuca amafaranga kugira ngo bakorane indirimbo bivuze ko yiyumvishaga ko hazajya habaho gusaranganya ibihembo n’inyungu zavuye mu ndirimbo yabo bakoranye yitwa ‘See You Tonight’ bituma umubano wabo uzamo agatotsi.

Indirimbo “See You Tonight” ya Omega 256 na Cindy Sanyu yasohotse ku itariki ya 16 Kanama 2025 ishyirwa ku mbuga zicuruza umuziki zirimo Youtube. Kugeza ubu ikaba imaze kurebwa n’abasaga miliyoni 12 kuri Youtube mu gihe cy’amezi icyenda imazeho.

Ubwiza bwayo bwayiteye kwakirirwa neza n’abakunzi b’umuziki bituma igera ku mwanya wa mbere mu zumviswe cyane imbere mu gihugu, nubwo imaze kwamamara cyane. Iyo ndirimbo yaje kandi kwegukana igihemo cy’indirimbo nziza yahuriweho y’umwaka 2026 (Best Collaboration of the Year) mu bihembo bya Zzina Awards 2026 byatangiwe i Kampala muri Uganda tariki 1 Gashyantare 2026.

Cindy Sanyu avuga ko umubano we na Omega 256 wangijwe n’indirimbo bakoranye
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27