Ni PSG cyangwa ni Arsenal? Ibyo wamenya kuri Final ya UEFA Champions League

Ni PSG cyangwa ni Arsenal? Ibyo wamenya kuri Final ya UEFA Champions League

Kuri uyu wa Gatandatu guhera saa kumi n’ebyiri z’umugoroba hateganyijwe umukino wa nyuma wa UEFA Champions League uhuza Paris Saint- Germain yo mu Bufaransa na Arsenal yo mu Bwongereza. Umukino wa nyuma w’irushanwa rihuza amakipe yabaye aya mbere iwayo i Burayi, urabera i Budapest muri Hongrie kuri Puskas Arena.

Ni umukino kandi uhuza amakipe yombi afitanye ubufatanye n’u Rwanda aho yamamaza ubukerarugendo bwarwo binyuze muri Visit Rwanda.

Paris Saint-Germain ifite igikombe giheruka cya 2025 yageze ku mukino wa nyuma isezereye Bayern Munich yo mu Budage mu gihe Arsenal yaherukaga mu mwaka wa 2006 yasezereye Atletico Madrid.

Muri uyu mukino Arsenal yagaruye myugariro ukina ku ruhande rw’iburyo Jurrien Timber wari umaze igihe yavunitse ni nako bimeze kuri PSG yagaruye Achraf Hakimi.

Arsenal ni yo kipe rukumbi yakinnye umwaka wose w’imikino wa Champions League, kugeza aka kanya, itaratsindwa. Mu mikino umunani ibanza, iyi kipe yo mu Bwongereza yazamutse ari iya mbere, yarinjije ibitego 24 mu gihe yo yinjijwe ibitego bine gusa.

Mu mikino yo gukuranamo, iyi kipe yabanje gusezerera Bayer Leverkusen iyitsinze ibitego 3-1 muri 1/8, ikurikizaho gusezerera Sporting Lisbon ku gitego 1-0, mu gihe muri ½ yakuyemo Atlético Madrid iyitsinze ibitego 2-1 mu mikino ibiri.

Ni umukino wa munani ugiye guhuza Paris Saint-Germain na Arsenal, aho kugeza ubu buri kipe yatsinze imikino ibiri.

Umukino wa mbere wahuje amakipe yombi wari uwo mu irushanwa rya kera ryitwaga UEFA Cup Winners Cup, ryaje guhinduka Europa League nyuma yo guhuzwa na UEFA Cup.

Icyo gihe Arsenal yakomeje ku giteranyo cy’ibitego 2-1 nyuma yo gutsindira mu rugo igitego 1-0 cyinjijwe na Kevin Campbell, mu gihe amakipe yombi yari yanganyije igitego 1-1 i Paris, Ian Wright atsindira The Gunners mu gihe David Ginola yatsindiye PSG.

Abakinnyi bashobora kubanza mu kibuga hagati y’amakipe yombi.

Paris Saint-Germain: Safonov; Zaire-Emery, Marquinhos, Pacho, Mendes; Neves, Vitinha, Ruiz; Doue, Dembele, Kvaratskhelia.

Arsenal: David Raya; Mosquera, William Saliba, Gabriel, Calafiori; Odegaard, Zubimendi, Rice; Bukayo Saka, Leandro Trossard na Viktor Gyökeres.

Puskás Aréna ni yo yakira uyu mukino wa nyuma uhuza Paris Saint-Germain na Arsenal
Paris Saint-Germain na Arsenal zamamaza ubukerarugendo bw’u Rwanda, zirahurira ku mukino wa nyuma wa UEFA Champions League
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27