Kenya: Loni irashima ko amatora ya Perezida yabaye mu mahoro

Kenya: Loni irashima ko amatora ya Perezida yabaye mu mahoro

Umunyamabanga Mukuru w’Umuryango w’Abibumbye (Loni) Antonio Guterres, yashimye ko amatora y’Umukuru w’Igihugu cya Kenya yabaye mu mahoro n’umutuzo, asaba abatoye n’abatowe gukomeza gusigasira uwo mutuzo mu gihe cyo gutangaza ibyavuye mu matora na nyuma yaho.

Guterres yashimye akanama gashinzwe gutegura amatora ndetse n’abayobozi ba Kenya bashyize imbaraga zikomeye mu guharanira ko amatora y’usimbura uwari Perezida Uhuru Kenyatta.

Abantu 65.4% y’abiyandikishije gutora bagera kuri miliyoni 22.1 ni bo bitabiriye icyo gikorwa ku italiki 9 Kanama 2022.

Imibare ya Komisiyo y’Igihugu y’amatora iravuga ko abitabiriye igikorwa cy’amatora bagabanyutse ugereranyije n’umwaka wa 2017 ubwo hitabiraga abari hejuru ya 80%.

Uyu mwaka bivugwa ko abanze kwitabira biganjemo urubyiruko rutishimiye kuba abayobozi b’abasaza ari bo bashyirwa imbere, mu gihe abakiri bato batabona ubahagarariye nk’umukandida wabo.

Mu gikorwa cyo kubarura amajwi gikomeje, kimaze kugera ku rwego rwa 99% aho William Ruto ari we uza imbere n’amajwi angana na 50.4%, Raila Odinga akagira 48.7% mu gihe abandi bakandida babiri bafite ababatoye bangana na 0.7%

Sangiza abandi iyi nkuru
Ibitekerezo 1
Niyi

Imana impe Odinga wee

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27