RSSB Tigers yageze muri ½ cya BAL

RSSB Tigers yageze muri ½ cya BAL

Ikipe ya RSSB Tigers ihagarariye u Rwanda mu mikino ya BAL yakomeje muri ½ nyuma yo guhigika FUS de Rabat yo muri Morroco nubwo mu mukino wo kwishyura wabereye muri BK Arena kuri uyu wa 24 Gicurasi 2026 guhera saa kumi n’ebyiri z‘umugoroba yatsinzwe amanota 99 kuri 98.

Iyi kipe izamutse muri ½ ( Semi-Finals), nyuma yuko mu mukino ubanza yari yatsinze FUS de Rabat amanota 95 kuri 72, naho mu mukino wo kwishyura ukaba urangiye RSSB ifite 98 kuri 99 ya FUS ibituma igiteranyo cyayo yombi giha intsinzi RSSB TIGERS.

FUS de Rabat yabashije kwitwara neza mu mukino wo kwishyura ibifashijwemo n’abakinnyi bayo nka Will Perry watsinze amanota 29 ndetse na Kuany Atem Kuany watsinze 22. RSSB Tigers na yo yagerageje kwihagararaho ibifashijwemo n’abasore nka Leonard Craig Randall ll watsinze amanota 43 ndetse na Mangok Mathiang watsinze amanota 15.

RSSB Tigers isanze Al Ahyl yo mu Misiri muri ½ nyuma yuko na yo yitwaye neza imbere ya Ville de Dakar yo muri Senegal amanota 87 kuri 76 mu mukino wo kwishyura kuko uwa mbere wari warangiye Ville yatsinze Al Ahyl amanota 93 kuri 90.

Aya makipe yombi azahura kuwa 3 kuwa 27 Gicurasi 2026 muri BK Arena mu mukino wo gushaka itike y’umukino wa nyuma.

RSSB Tigers ihagarariye u Rwanda yageze muri 1/2 cy’imikino ya BAL
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27