USA yagabye ibitero ku barwanyi b’umutwe w’iterabwoba wa ISIL/ISIS muri Nigeria

USA yagabye ibitero ku barwanyi b’umutwe w’iterabwoba wa ISIL/ISIS muri Nigeria

Igisirikare cya Leta Zunze Ubumwe za Amerika cyongeye kugaba ibitero byo mu kirere ku barwanyi b’umutwe w’iterabwoba wa ISIL/ISIS mu Majyaruguru y’Uburasirazuba bwa Nigeria, mu rwego rwo guhashya imitwe y’iterabwoba.

Ubuyobozi bw’Igisirakre cya Amerika bwemeje ko ibi bitero byagabwe n’Ingabo za Leta Zunze Ubumwe za Amerika zikorera muri Afurika (AFRICOM) ku bufatanye n’ingabo za Nigeria. Ibyo bitero byagabwe ngo byibasiye ibirindiro by’umutwe wa ISIS, byari bigamije gusenya ibikorwa remezo by’uwo mutwe no kuwuca intege ku bitero ugaba ku basivili no ku ngabo z’ibihugu byo muri ako karere.

Ubuyobozi bwa Amerika bwemeje ko nta musirikare wa Amerika cyangwa uwa Nigeria wakomeretse cyangwa ngo agwe muri icyo gikorwa. Mu itangazo ryashyizwe hanze, AFRICOM yavuze ko ibikorwa nk’ibi biri mu rwego rwo gushyigikira ibihugu bya Afurika bihanganye n’imitwe y’iterabwoba.

Ibi bitero bya Amerika bibaye nyuma y’igihe gito hatangajwe urupfu rwa Abu-Bilal al-Minuki, umwe mu bayobozi bakuru ba ISIL/ISIS muri Afurika y’Iburengerazuba aho bivugwa ko yishwe mu kindi gikorwa cya gisirikare giherutse gukorwa muri ako karere.

Leta ya Nigeria yakomeje gushimira Amerika ku nkunga itanga mu rugamba rwo kurwanya iterabwoba aho ubufatanye hagati y’ibihugu byombi bwibanda cyane ku gusangira amakuru y’ubutasi, guhugura abasirikare no gutanga ubufasha bw’ikoranabuhanga.

Mu myaka ishize, Nigeria yakunze kunengwa kunanirwa guhashya imitwe y’iterabwoba, icyakora abayobozi b’icyo gihugu bavuga ko ibikorwa bihuriweho n’amahanga biri gutanga umusaruro mu kugabanya ubushobozi bw’iyo mitwe.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27