PSG yegukanye Shampiyona y’u Bufaransa ku nshuro ya 14

PSG yegukanye Shampiyona y’u Bufaransa ku nshuro ya 14

Ikipe ya Paris Saint-Germain (PSG) yegukanye Igikombe cya Shampiyona y’u Bufaransa 2025/26 ku nshuro ya 14, mu gihe haburaga umukino umwe ngo irangire.

Iyi kipe itozwa Luis Enerique yabigezeho mu ijoro ryo ku wa Gatatu tariki ya 13 Gicurasi 2026, nyuma yo gutsinda Lens bari bahanganye ibitego 2-0 mu mukino w’Umunsi wa 33 wa Ligue 1 wabereye  kuri Stade Bollaert-Deletis. 

Ibitego byafashije Paris Saint-Germain gukomeza kwandika amateka muri ruhago y’u Bufaransa byinjijwe na  Khvicha Kvaratskhelia ku munota wa 29 na Ibrahim Mbaye ku munota wa 90.

Iki ni igikombe cya 14 cya Shampiyona iyi kipe yegukanye mu mateka yayo, kikaba icya gatanu itwaye mu myaka itanu ishize (2025-2026, 2024-2025, 2023-2024, 2022-2023 na 2021-2022). 

Iyi kipe yo mu Mujyi wa Paris biracyashoboka kandi ko yatwara ikindi gikombe muri uyu mwaka w’imikino, dore ko iri ku mukino wa UEFA Champions League izahuramo na Arsenal tariki ya 30 Gicurasi 2026, aho izaba ishaka kwegukana iki gikombe ku nshuro ya kabiri yikurikiranya mu mateka.

Paris Saint Germain yegukanye igikombe cya Shampiyona y’u Bufaransa ku nshuro ya 14
Khvicha Kvaratskhelia na Ousmane Dembélé bishimira igitego
Ibrahim Mbaye yishimira igitego cya kabiri cyahesheje PSG igikombe cya Shampiyona
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27