Brazzaville : Abanyarwanda bahuriye muri siporo rusange

Brazzaville : Abanyarwanda bahuriye muri siporo rusange

Kuri iki Cyumweru tariki 10 Gicurasi 2026, Abanyarwanda batuye mu Mujyi wa Brazzaville no mu nkengero zawo muri Repubulika ya Congo, bahuriye muri siporo rusange imenyerewe mu Rwanda nka “Car Free Day”.

Aba Banyarwanda bakoze Siporo Rusange mu gihe n’i Kigali na ho bayizindukiyemo nk’uko bimaze kuba umuco ko ikorwa inshuro ebyiri buri kwezi. Nyuma y’icyo gikorwa, baboneyeho umwanya wo kuganira kuri gahunda z’ingenzi bashyiramo ingufu, mu kubaka Igihugu cyabo no kwiteza imbere, basenyera umugozi umwe nk’Abanyarwanda.

Mu kiganiro kigufi cyatanzwe nyuma ya siporo, Amb. Parfait Busabizwa, yagarutse ku kamaro ka siporo ku buzima, anabasaba ko nk’uko babarizwa mu ngeri nyinshi bakomeza guhuza ingufu, bagafatanya muri byose, cyane cyane bitabira gahunda zihuriramo Abanyarwanda hagamijwe kunga ubumwe kandi ibyo byose bigakoranwa ubupfura, umuco n’ubunyangamugayo, kuko ari byo bihesha Igihugu cy’u Rwanda agaciro mu ruhando rw’amahanga.

Iyi siporo yitabiriwe n’abarenga 70, biyemeje ko bazajya bahurira mu gikorwa nk’iki buri kwezi, hagamijwe kugira ubuzima bwiza no gusabana. Iki gikorwa kandi cyaje gikurikiye gahunda yabaye kuwa Gatandatu tariki 09 Gicurasi 2026, yo gusura icyanya cy’inganda cya Maloukou, cyakozwe n’itsinda rigizwe n’abakozi ba Ambassade, Komite Nyobozi y’umuryango Nyarwanda ndetse na bamwe mu bacuruzi bakorera muri Brazzaville.

Abitabiriye Siporo Rusange i Brazzaville
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27