Queen Kalimpinya yitwaye neza muri Shampiyona Nyafurika ya Rally 

Queen Kalimpinya yitwaye neza muri Shampiyona Nyafurika ya Rally 

Umunyarwandakazi Queen Kalimpinya, wari uhagarariye u Rwanda mu bakinnyi barenga 50 bitabiriye Shampiyona Nyafurika yo gusiganwa mu modoka, yegukanye umwanya wa kabiri mu Cyiciro cya Kabiri (ARC2).

Ku wa Gatandatu, tariki ya 9 Gicurasi 2026, ni bwo mu mihanda yo mu Mujyi wa Mbarara muri Uganda hakiniwe rimwe mu masiganwa y’imodoka akomeye muri Afurika abera mu mihanda y’igitaka ya ‘Pearl of Africa Uganda Rally 2026’.

Kalimpinya utari witabiriye umunsi wa mbere, yakinnye ku munsi wa nyuma ndetse yitwara neza mu cyiciro yari ahatanyemo cya ARC2 cyarimo imodoka esheshatu.

Muri iki cyiciro Umunyakenya, Samman Vohra ukinana na Drew Sturrock mu modoka ya Skoda Fabia Evo, ni we wahize abandi akurikirwa na Queen Kalimpinya wakinanaga na Gasarabwe Alain bari mu modoka ya Subaru Impreza WRX STi 4 D R4. Mu cyiciro cya mbere cya Shampiyona Nyafurika cyegukanywe na Karan PATEL wakinanaga na Tauseef Khan.

Biteganyijwe ko amasiganwa ya Shampiyona Nyafurika azakomereza mu Rwanda, hakinwa  Rwanda Mountain Gorilla Rally, iteganyijwe guhera tariki ya 10 kugeza ku ya 12 Nyakanga 2026.

Kalimpinya Queen ni we mugore wenyine witabiriye iri rushanwa
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27