DJ Ira yasubije Abarundi bababajwe n’uko yahawe ubwenegihugu bw’u Rwanda 

DJ Ira yasubije Abarundi bababajwe n’uko yahawe ubwenegihugu bw’u Rwanda 

Umwe mu bakobwa bazwiho kuvanga imiziki neza mu Rwanda DJ Ira, yakuriye inzira ku murima Abarundi bakomeje kumwibasira bamuhora ko yatse Ubwenegihugu bw’u Rwanda, abibutsa ko yari afite impamvu zirenga igihumbi zo kubusaba ndetse ko nta kosa yakoze.

Yifashishije imbuga nkoranyambaga ze kuri uyu wa Gatanu tariki 17 Mata 2026, DJ Ira yavuze ko atumva ukuntu hari abakimwibasira mu gihe amaze umwaka wose asabye ubwenegihugu bw’u Rwanda.

Yagize ati “Nyuma y’umwaka muracyababaye, muracyantuka, muracyantera ubwoba? Kugeza ubu sindumva ikibazo gihari ariko reka tuganire. Nshobora kuba naracecetse mukagira ngo mfite isoni z’ibyo nasabye, narabihatirijwe cyangwa naba ntatewe ishema n’Ubwenegihugu nasabye.”

Akomeza agaragaza ko nta kosa yakoze kuko itegeko nshinga ryo mu gihugu kavukire cye (u Burundi) ryemera ubwenegihugu bubiri bityo badakwiye gukomeza kumwibasira ahubwo ko bigaragaza urwango banga igihugu cy’u Rwanda.

Ati “U Burundi bwemera ubwenegihugu bubiri, gusaba ubw’u Rwanda ni nk’uko nari gusaba ubwa Amerika, Canada n’ahandi. Ariko kubera ko ari ubw’u Rwanda byabaye ibibazo.”

Abakurira inzira ku murima ababwira ko adateze kwicuza umwanzuro yafashe ahubwo akomeje guterwa ishema na wo kandi bakwiye kubyakira, abibutsa ko bamumenye kubera akazi akora kandi u Rwanda rwamuhaye umwanya n’amahirwe yo kugaragaza icyo ashoboye.

Ati “DJ Ira mwamumenye kubera u Rwanda, akazi nkora ni ho nagatangiriye, narahageze mpabwa rugari ndakora batitaye ko ndi umunyamahanga, n’ubu aho ngeze sinatinya kuvuga ko ari ukubera Imana n’u Rwanda wenda no gukora neza. Rwose nari mfite impamvu igihumbi zo gusaba ubwenegihugu bwa ho.”

DJ Ira yasabye ubwenegihugu bw’u Rwanda tariki 16 Werurwe 2025, ubwo yari yitabiriye ibiganiro byahuje Perezida Kagame n’abaturage, arabwererwa bidatinze arabuhabwa.

Dj Ira yahawe ubwenegihugu bw’u Rwanda bibabaza Abarundi
Ubwo Dj Ira yasabaga Perezida Kagame ubwenegihugu bw’u Rwanda ahita abuhabwa
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27