Afahmia Lotfi yareze Rayon Sports muri FIFA 

Afahmia Lotfi yareze Rayon Sports muri FIFA 

Umutoza Afahmia Lotfi uherutse gutandukana n’Ikipe ya Rayon Sports, yemeje ko yayireze mu Ishyirahamwe ry’Umupira w’Amaguru ku Isi (FIFA) asaba kwishyurwa umwenda w’amafaranga y’umushahara imubereyemo. 

Ku wa 13 Ukwakira 2025, ni bwo Rayon Sports yatangaje ko yahagaritse Afahmia Lotfi n’umwungiriza we wa kabiri, Azouz Lotfi, kubera umusaruro muke. Uyu mutoza yabitangaje mu kiganiro yagiranye na Radio 10 kuri uyu wa Kane, tariki ya 16 Mata 2026, ashimangira ko nubwo Rayon Sports yahagaritswe kongera kugura abakinnyi atari we byaturutseho.

Yagize ati: “Yego narereze biciye ku munyamategeko wanjye, ariko guhagarikwa kwa Rayon Sports byaterwa wenda n’ibindi birego byinshi, si icyanjye gusa. Sinzi icyo umunyamategeko wanjye yaregeye kuko namuhaye byose.”

“Sinishyuwe na Rayon Sports ahubwo nabikoze bya gicuti, ko banyishyura mu byiciro mu kwezi k’Ukuboza no muri Mutarama, ariko nta kintu nigeze mbona cya Rayon Sports kugeza uyu munsi. Birababaje sinzi icyo nakora kuko ibirego byo ni byinshi.”

Nyuma yo kwirukanwa yasimbujwe u Bufaransa Bruno Ferry wamaze amezi atatu gusa. Kugeza ubu Rayon Sports nta mutoza mukuru ifite kuko Haringingo Francis Christian iherutse kugarura, akiri mu manza na Kiyovu Sports yatandukanye na yo bidakurikije amategeko.

Afahmia Lotfi yemeje ko yareze Rayon Sports muri FIFA kubera kutishyurwa amafaranga imubereyemo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27