Amasezerano yo gushyiraho Komisiyo ihuriweho hagati y’u Rwanda na Tchad yasinywe

Amasezerano yo gushyiraho Komisiyo ihuriweho hagati y’u Rwanda na Tchad yasinywe

Guverinoma y’u Rwanda n’iya Tchad basinyanye amasezerano yo gushyiraho Komisiyo ihuriweho iziga ku kunoza imikoranire ifitiye inyungu ibihugu byombi. Ayo masezerano yashyiriweho umukono mu Mujyi wa N’Djamena ku wa Gatatu, tariki ya 8 Mata 2026. U Rwanda rwari ruhagarariwe na Minisitiri w’Ububanyi n’Amahanga Amb. Olivier Nduhungirehe, mu gihe Tchad yahagarariwe na mugenzi we Dr. Abdoulaye Sabre Fadoul.

Umubano w’u Rwanda na Tchad umaze igihe kirekire uhagaze neza. Ubwo Perezida Mahamat yajyaga ku butegetsi asimbuye se, Maréchal Idriss Déby Itno, wishwe mu 2021, yagaragaje ubushake bwo gukomeza kuwongerera imbaraga. Ibyo byashimangiwe no kohereza mu Rwanda intumwa ye yihariye ikaba n’Umuyobozi w’Ibiro by’Umukuru w’Igihugu, Abdelkerim Déby Itno, wazaniye Perezida Kagame ubutumwa.

Muri Werurwe 2022, Perezida Mahamat na we yaje i Kigali, ashimira Perezida Kagame kuba u Rwanda rwarakomeje kuba hafi Tchad mu bihe bikomeye yanyuzemo ubwo yagabwagaho ibitero n’umutwe w’iterabwoba wa Boko Haram na nyuma y’urupfu rwa Idris Déby.

U Rwanda na Tchad bashyizeho Komisiyo ihuriweho igamije kunoza imikoranire ifitiye inyungu ibihugu byombi
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27