Haiti: Abantu 70 bishwe n’ibitero by’abagizi ba nabi

Haiti: Abantu 70 bishwe n’ibitero by’abagizi ba nabi

Abantu 70 bishwe, abandi 30 bakomerekera mu gitero cyagabwe n’udutsiko tw’abagizi ba nabi  hafi ya Petite-Rivière, mu karere ka Artibonite muri Haiti, nk’uko umuryango uharanira uburenganzira bwa muntu, ‘Defenseurs Plus’ wabitangaje.

Aljazeera yatangaje ko ibyo bitero byatangiye mu mpera z’icyumweru gishize bikomereza ku wa 30 Werurwe 2026, aho abo bagizi ba nabi banatwitse inzu z’abaturage. Uwo muryango watangaje ko abantu 6,000 bamaze kuvanwa mu byabo n’ibi bitero mu gihe abandi 2,000 bahunze mu minsi yabanje.

Inzego z’umutekano za Haiti zatangaje ko zigiye gukora iperereza ku gatsiko k’amabandi kazwi nka Gran Grif kagabye ibitero. Mu butumwa bwashyizwe ku mbuga nkoranyambaga ako gatsiko kagaragaje ko icyo gitero cyari icyo kwihorera ku bagabye ibitero ku birindiro byabo biri i Savien.

Haiti iyobowe by’agateganyo na Alix Didier Fils-Aimé isanzwe ifite ibibazo by’umutekano muke imaranye imyaka myinshi biterwa n’udutsiko twitwaje intwaro tugaba ibitero mu bice bitadukanye by’icyo gihugu. Icyo gihugu gihanganye n’ibibazo bya politiki birimo kutumvikana kw’abayobozi n’umwiryane mu nzego z’umutekano n’ibindi.

Abantu 70 bishwe n’ibitero by’abagizi ba nabi muri Haiti
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27