Amb. Rugema yatanze kopi z’impapuro zimwemerera guhagararira u Rwanda muri Nigeria

Amb. Rugema yatanze kopi z’impapuro zimwemerera guhagararira u Rwanda muri Nigeria

Ambasaderi Moses Rugema yashyikirije Umuyobozi ushinzwe ‘Protocole’ muri Minisiteri y’Ububanyi n’Amahanga ya Nigeria, Amb. Wahab Adekola Akande, kopi z’impapuro zimwemerera guhagararira u Rwanda muri iki gihugu.

Itangazo ryashyizwe hanze na Minisiteri y’Ububanyi n’Amahanga ya Nigeria, rigaragaza ko iki gikorwa cyabaye ku wa 12 Werurwe 2026.

Nyuma yo gutanga izo kopi z’impapuro zimwemerera guhagararira u Rwanda muri Nigeria, Amb. Rugema na Wahab Adekola Akande bagiranye ibiganiro bishimangira ubushake bwo kwagura imikoranire y’ibihugu byombi.

Amb. Rugema yasimbuye Ambasaderi Bazivamo Christophe.

U Rwanda na Nigeria ni ibihugu bisanzwe bifitanye umubano ushingiye kuri dipolomasi, ubucuruzi, ikoranabuhanga, umutekano n’uburezi aho abanyeshuri b’Abanyarwanda biga muri Nigeria hakaba hari n’abo muri icyo gihugu biga mu Rwanda.

Muri Kamena 2025, ibihugu byombi byasinyanye amasezerano yo kuvanaho gusoresha kabiri ibicuruzwa hagati y’impande zombi.

Ibihugu byombi kandi bifitanye imikoranire mu by’ubwikorezi bwo mu kirere aho indege ya RwandAir, ikorerayo ingendo z’urujya n’uruza rw’abantu n’ibicuruzwa.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27