Perezida Trump yanze ubufasha bw’u Bwongereza mu ntambara bahanganyemo na Iran

Perezida Trump yanze ubufasha bw’u Bwongereza mu ntambara bahanganyemo na Iran

Perezida wa Leta Zunze Ubumwe za Amerika, Donald Trump yavuze ko adakeneye  ubufasha bw’u Bwongereza mu ntambara ahanganyemo na Iran, nyuma yuko icyo gihugu kivuze ko cyiteguye gutanga ubwato bw’indege z’intambara (aircraft carriers) bukoherezwa mu Burasirazuba bwo Hagati.

Ubutumwa Trump yashyize ku rubuga rwe rwa Truth Social ku mugoroba wo ku wa 07 Werurwe, bwaje bukurikira  itangazo rya Minisiteri y’Ingabo y’u Bwongereza rivuga ko amwe mu mato yabo akomeye yashyizwe ku rwego rwo kwitegura koherezwa vuba mu bikorwa bya gisirikare.

Perezida Trump yavuze ko u Bwongereza ari umufatanyabikorwa wabo ukomeye kandi w’igihe kirekire ariko badakeneye abantu baza kwivanga mu ntambara yamaze gutsinda.

Yagize ati: “Ni byiza, Minisitiri w’Intebe Starmer, ariko ubu ntitukibikeneye ariko tuzabyibuka. Ntidukeneye abantu baza mu ntambara nyuma y’aho twebwe twayitsinze!”

Iran yari yaraburiye u Bwongereza ibubuza kwivanga mu ntambara bahanganyemo na Leta Zunze Ubumwe za Amerika na Isiraheli nubwo icyo gihugu cyakomeje gutsimbarara.

Intambara y’ibyo bihugu yinjiye mu cyumweru cya kabiri ndetse yateje impungenge mu Burasirazuba bwo Hagati  nyuma yaho Iran igabye ibitero mu bihugu byose Amerika ifitemo ibirindiro.

Aljazeera yatangaje ko kugeza ubu abantu bagera ku 1 332 bamaze kugwa muri Iran, naho Amerika yemeje ko abasirikare bayo batandatu bapfuye mu gihe hari n’abandi baguye mu bihugu nka Liban, Leta Zunze Ubumwe z’Abarabu n’ahandi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27