USA: Umuraperi Lil Poppa witabye Imana ni muntu ki?

USA: Umuraperi Lil Poppa witabye Imana ni muntu ki?

Umuraperi wari mu batangaga icyizere muri Leta Zunze Ubumwe za Amerika (USA) Janarious Mykel Wheeler, akaba yaramamaye nka Lil Poppa, yitabye Imana afite imyaka 31.

Ikinyamakuru TMZ cyatangaje ko inkuru y’urupfu rw’uwo muraperi yemejwe n’umuganga ushinzwe gupima no gusuzuma imirambo muri Fulton County i Atlanta, ku wa Kane tariki 19 Gashyabtare 2026.

Mu itangazo ryashyizwe ahagaragara n’abari bashinzwe ubujyanama bw’uwo muraperi rigaragaza ko Lil Poppa yapfuye ku wa 18 Gashyantare 2026, gusa ntabwo hahise hatangazwa icyamwishe kuko bagikora iperereza ngo kimenyekane.

Lil Poppa yatangiye umuiziki mu 2018, ubwo yari afite imyaka 24 yakiranwa igikundiro kidasanzwe cyane ubwo yashyiraga hanze indirimbo ze za mbere “Nightmare on Elm Street” n’iyitwa “Purple Hearts.”

Uko yazamukanaga igikundiro byatumye muri 2022 asinya amasezerano muri Collective Music Group (CMG) ya Yo Gotti nka kompanyi izajya imufasha mu bijyanye no gutunganya imiziki ye.

Muri Kanama 2025, Poppa yari yasohoye alubumu igizwe n’indirimbo 16 ayita ‘Almost Normal Again’ akaba yitabye Imana nyuma y’iminsi itanu ashyize hanze indirimbo nshya yise ‘Out of Town Bae’ mu gihe yari ategerejwe mu gitaramo yagombaga kuririmbamo muri New Orleans, muri Werurwe 2026.

Lil Poppa yavutse tariki 3 Kanama 1994, akaba yitabye Imana yiteguraga gukora ibitaramo bizenguruka Leta Zunze Ubumwe za Amerika amenyekanisha alubumu ye nshya ‘Almost Normal Again’.

Yari azwi mu ndirimbo zitandukanye zirimo ‘Happy tears’, To the point, Eternal living, ‘Love&war, n’izindi zigaragaragaza ubuzima bukakaye ababa ku muhanda bahura nabwo.

Umuraperi Lil Poppa yitabye Imana yari ategerejwe mu bitaramo byo kumenyekanisha Alubum ye
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27