Tukowote yambitse impeta umukunzi we bamaze igihe bakundana

Tukowote yambitse impeta umukunzi we bamaze igihe bakundana

Umukinnyi wa Filime Ilunga Longin uzwi cyane nka Tukowote muri sinema y’u Rwanda, yambitse impeta y’urukundo umukunzi we bitegura kurushinga, aryumaho ku bijyanye n’amazina ye n’isura.

Abinyujije ku mbuga nkoranyambaga ze kuri uyu wa 6 Gashyantare 2026, Tukowote yasangije abamukurikira ibyishimo yatewe no kuba yasabye uwo mukobwa ko bashyingiranwa na we akabyakirana urugwiro.

Yanditse ati: “Gashyantare ni ukwezi k’urukundo, aho ‘Yego’ yumvikana neza mu buryo butandukanye kandi bufite ingufu, ndagushimiye.”

Ntiyigeze yifuza gutangaza amazina y’umukunzi we icyakora atangaza ko bakataje mu myiteguro kuko uyu mwaka utazasiga badashyingiranywe.

Tukowote agiye gukora ubukwe, nyuma y’uko ubwo yateganyaga gukora muri 2021 bwapfuye bitewe n’uko yatandukanye n’uwo bakundanaga icyo gihe.

Amakuru ahari avuga ko Tukowote agiye kurushinga afite imyaka 53, akaba amaze imyaka 17 akina filime aho amaze gukina izigera ku 161.

Tukowote yambitse umukunzi we impeta bitegura kurushinga
Yakoze uko ashoboye umukunzi we ntiyagaragara
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27