Venezuela: Abantu ibihumbi bigaragambije basaba ko Maduro arekurwa

Venezuela: Abantu ibihumbi bigaragambije basaba ko Maduro arekurwa

Ibihumbi by’abantu bakoze imyigaragambyo y’amahoro mu murwa mukuru wa Venezuela, Caracas basaba ko Perezida Nicolás Maduro n’umugore we, Cilia Flores, barekurwa nyuma y’ukwezi ashimuswe na Leta Zunze Ubumwe za Amerika.

Imyigaragambyo yo ku wa 03 Gashyantare yiswe “Gran Marcha” yitabiriwe n’ibyiciro byose by’abantu bafite ibyapa byanditseho ko bakeneye Maduro, ibindi bigaragaza ko bamuri inyuma,basaba Amerika ko imurekurana n’umugore we.

Umuhungu wa Perezida Maduro; Nicolás Maduro Guerra, akaba n’umudepite mu Nteko Ishinga Amategeko ya Venezuela, yagejeje ijambo ku bitabiriye imyigaragambyo yavuze ko ishimutwa rya se ryakozwe n’ingabo za Amerika ku wa 3 Mutarama 2026,
rizahora ari igikomere mu maso yabo iteka ryose.

Yavuze ko ubusugire bwa Venezuela bwavogerewe n’ingabo z’amahanga mu ijoro se yashimutiwemo.

Ibitangazamakuru bya Venezuela byatangaje ko urwo rugendo rw’amahoro rwakozwe ku Isi hose bagaragaza uburyo bashyigikiye uwahoze ari perezida wabo.
Perezida w’Inzibacyuho wa Venezuela,Delcy Rodriguez yavuze ko nubwo ayoboye icyo gihugu ariko yemera ko Maduro akiri Perezida we nubwo ari kugerageza gushyira mu bikorwa amategeko ya Perezida Donald Trump.

Ku rundi ruhande ariko Trump yavuze ko yiteguye gukorana na Rodriguez, mu gihe gusa Caracas yakurikiza ibyo asaba, cyane cyane ibijyanye na peteroli ya Venezuela n’undi mutungo kamere.

Muri Venezuela bigaragambije basaba ko Perezida Maduro n’umugore we barekurwa
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27