Niyigena Clément yasinyiye Al Hilal SC

Niyigena Clément yasinyiye Al Hilal SC

Myugariro Niyigena Clément wakiniraga APR FC, yerekeje muri Al Hilal SC yo muri Sudani asinya amasezerano y’imyaka itatu.

Ni amakuru yatangajwe n’Umutoza Mukuru w’Iyi kipe Laurențiu Reghecampf mu kiganiro n’abanyamakuru cyabaye kuri uyu wa Kane gitegura umukino w’umunsi wa kane wa CAF Champions League bazakiramo Mamelodi Sundowns ku wa Gatanu kuri Stade Amahoro.

Yagize ati: “Twamaze gusinyisha myugariro wo hagati w’Umunyarwanda, turizera ko agiye kudufasha ariko byose bizaterwa nuko azisanga mu ikipe.”

Amakuru avuga ko iyi kipe yo muri Sudani yamuguze ibihumbi 120 by’amadolari ya Amerika akazajya imuhemba ibihumbi umunani by’amadolari ya Amerika ku kwezi.

Uyu mukinnyi wari umaze imyaka ine muri APR FC yari umwe mu bakinnyi bagenderwaho muri iyi kipe ndetse akaba ahamagarwa mu Ikipe y’Igihugu ‘Amavubi.

Niyigena ni we wabaye umukinnyi mwiza w’umwaka muri Shampiyona y’u Rwanda ya 2024/25, aho yakinnye imikino 28, atsinda ibitego 2.

Muri uwo mwaka w’imikino yafashije APR FC kwegukana ibikombe bitatu, ari byo Shampiyona, Igikombe cy’Amahoro n’Igikombe cy’Intwari.

Niyigena Clement yafashije APR FC kwegukana ibikombe bitatu mu mwaka ushize w’imikino
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27