Volleyball: Amakipe umunani agiye guhatanira Igikombe cy’Intwari 2026

Volleyball: Amakipe umunani agiye guhatanira Igikombe cy’Intwari 2026

Guhera ku wa Gatandatu tariki ya 31 Mutarama 2026, mu mukino wa Volleyball hazatangira irushanwa ry’Igikombe cy’Intwari, aho rizakinwa n’amakipe ane ya mbere muri Shampiyona mu bagabo n’abagore.

Iyi mikino y’igikombe cy’intwari mu mukino wa Vollleyball yateguwe n’ishyirahamwe ry’uyu mukino mu Rwanda ku bufatanye bw’Urwego rw’Igihugu rushinzwe Intwari, Imidali n’Impeta by’Ishimwe (CHENO).

Mu makipe umunani azakina iri rushanwa mu bagabo ni APR VC, Gisagara VC Police VC na Kepler VC mu gihe rizakinwa na APR WVC, Rwanda Revenue Authority, Kepler WVC na Police WVC.

Imikino ya ½ izakinwa ku wa Gatandatu mu bagore aho APR WVC izakina na Rwanda Revenue Authority Saa Saba, Kepler WVC izakina na Police WVC saa cyenda.

Mu bagabo, Gisagara VC izakina na Police VC saa kumi n’imwe mu gihe guhera saa Moya APR VC izakina Kepler VC. Imikino yose izabera kuri Petit Stade i Remera.

Amakipe azitwara neza mu byiciro byombi azahurira ku mukino wa nyuma iteganyijwe ku Cyumweru, tariki ya 1 Gashyantare 2026.

Mu mwaka ushize, mu bagabo iri rushanwa ryegukanywe na Kepler VC itsinze REG VC mu gihe mu bagore ryatwawe na Police WVC itsinze APR WVC.

Umunsi w’Intwari z’Igihugu uzizihizwa ku nshuro ya 32 ku Cyumweru tariki ya 1 Gashyantare 2026, ufite insanganyamatsiko igira iti “Ubutwari n’Ubumwe bw’Abanyarwanda, inkingi z’iterambere.”

Police WVC ni yo yegukanye Igikombe cy’Intwari mu bagore mu mwaka ushize
Kepler VC niyo ifite igikombe giheruka mu bagabo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27